سپورت • 18 اقپان، 2020

شاڭعى سپورتى تۇرلەرى قاۋىمداستىعىنىڭ باسشىسى سايلاندى

49 رەتكورسەتىلدى

بۇگىن الماتىدا قازاقستان شاڭعى سپورتى تۇرلەرى ۇلتتىق قاۋىمداستىعىنىڭ وتىرىسى ءوتتى. جيىنعا قازاقستان ۇلتتىق وليمپيادالىق كوميتەتىنىڭ وكىلدەرى، سپورتشىلار مەن باپكەرلەر، قاۋىمداستىق قۇرامىنا ەنەتىن شاڭعى جارىسى، تاۋ شاڭعىسى، فريستايل مەن سنوۋبورد، شاڭعىمەن تۇعىردان سەكىرۋ فەدەراتسيالارىنىڭ ءبىرىنشى باسشىلارى قاتىستى. بۇل تۋرالى Olympic.kz حابارلادى.

وتىرىس بارىسىندا «ۇلتتىق شاڭعى سپورتى تۇرلەرى قاۋىمداستىعى» مۇشەلەرى جينالىپ، قاتىسۋشىلار قاۋىمداستىقتىڭ 2019 جىلعى اتقارعان قىزمەتىن جانە كۇن تارتىبىندەگى ماسەلەلەردى تالقىلادى، سونداي-اق، باسقارۋشى ورگانداردى قايتا سايلاۋ وتكىزىلدى.  جيىنعا قاتىسۋشىلاردىڭ ءبىراۋىزدان شەشۋى ارقىلى قازاقستان شاڭعى سپورتى تۇرلەرى قاۋىمداستىعىنىڭ پرەزيدەنتى بولىپ سۇلەيمەنوۆ دياس تولەۋتاي ۇلى سايلاندى. 

دياس سۇلەيمەنوۆ كوپتەگەن جىلدار بويى قازاقستاندىق سپورتتى دامىتۋعا بەلسەندى تۇردە اتسالىسىپ كەلەدى. ون جىلدان اسا ۋاقىت بويى ەلورداداعى بوكس فەدەراتسياسىن باسقارعان ول قازىرگى تاڭدا پاراليمپيادالىق قوزعالىستى دامىتۋعا ارنالعان ءىرى جوبالاردا جۇمس ىستەۋدە.

«بۇل قىزمەتتى ماعان سەنىپ تاپسىرعاندارىڭىز ءۇشىن قازاقستان ۇلتتىق وليمپيادالىق كوميتەتى مەن قۇرمەتتى ارىپتەستەر، سىزدەرگە العىس ايتامىن. بەرىلگەن مۇمكىندىكتى جوعارى باعالاي وتىرىپ، ەلىمىزدەگى قىسقى سپورت تۇرلەرىن دامىتۋعا بار كۇشىمدى سالامىن. بۇكىالەمدىك وليمپيادالىق قوزعالىستى شاڭعى سپورتى تۇرلەرى الدىڭعى قاتاردا كەلەدى. سوندىقتان، قازاقستاندىق سپورتشىلاردىڭ قىسقى سپورت تۇرلەرىندە جوعارى ناتيجە كورسەتۋىنە جاعداي جاساۋ ءبىزدىڭ مىندەتىمىزگە كىرەدى »، - دەدى دياس سۇلەيمەنوۆ. 

قاۋىمداستىقتىڭ تاڭ شاڭعىسى، فريستايل جانە سنوۋبوردتى دامىتۋ جونىندەگى ۆيتسە-پرەزيدەنتى بولىپ وتاندىق بيزنەسمەن ەركىن تاتىشەۆ تاعايىندالدى.  سونداي-اق وتىرىس بارىسىندا رەۆيزيالىق كوميسسيا قۇرامى مەن جاڭا جارعى بەكىتىلدى.   

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار