قازاقستان • 18 اقپان، 2020

اۆتوكولىك قۇرالدارى مەن جيھاز ساتىپ الۋ شىعىندارى قىسقارتىلادى — ءا. سمايىلوۆ

34 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا باسىم ەمەس بيۋدجەت شىعىستارىن قىسقارتۋ بويىنشا قابىلدانىپ جاتقان شارالار تۋرالى پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ باياندادى.  بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

پرەزيدەنت 24 قاڭتاردا مەملەكەتتىك جانە كۆازيمەملەكەتتىك سەكتورداعى باسىم ەمەس شىعىستاردى قىسقارتۋ بويىنشا جۇمىستى جالعاستىرۋدى تاپسىردى. وسى تاپسىرمانى ورىنداۋ ءۇشىن شىعىستاردى تالداۋ بويىنشا جۇمىس جۇرگىزىلدى جانە ولاردى قىسقارتۋ بويىنشا ۇسىنىستار ازىرلەندى. ءا. سمايىلوۆ اتاپ وتكەندەي، بۇل ۇسىنىستار اعىمداعى جىلدىڭ بيۋدجەتىن ناقتىلاۋ جانە كەلەسى ءۇش جىلدىق كەزەڭگە ارنالعان بيۋدجەتتى قالىپتاستىرۋ كەزىندە جۇزەگە اسىرىلاتىن بولادى.

«جالپى العاندا شىعىستاردى وڭتايلاندىرۋ بويىنشا جالپى سوماسى 128،6 ملرد تەڭگەگە ۇسىنىستار بەرىلدى، ونىڭ ىشىندە مەملەكەتتىك ورگانداردان – 23 ملرد تەڭگە، وڭىرلەردەن – 26،6 ملرد تەڭگە جانە كۆازيمەملەكەتتىك سەكتور سۋبەكتىلەرىنەن – 79 ملرد تەڭگە»، — دەدى ءا. سمايىلوۆ.

مەملەكەتتىك بيۋدجەت بويىنشا وڭتايلاندىرۋعا مىناداي شىعىستار ۇسىنىلدى: سەمينارلار، كونفەرەنتسيالار وتكىزۋگە، اۆتوكولىك، جيھاز ساتىپ الۋعا ارنالعان شىعىستار – 4،2 ملرد تەڭگە، ءىسساپار، وكىلدىك شىعىستار، تالدامالىق زەرتتەۋلەر – 15،7 ملرد تەڭگە، وزگە دە ءونىمدى ەمەس شىعىستار – 29،7 ملرد تەڭگە. 

ءوز كەزەگىندە قارجى مينيسترلىگىنىڭ 2018-2019 جىلدارى بيۋدجەتتى اتقارۋ نەگىزىندە ازىرلەنگەن شىعىستاردى وڭتايلاندىرۋ، بيۋدجەت زاڭناماسىنىڭ جاڭا نورمالارى، سونداي-اق ينۆەستيتسيالىق جوبالاردىڭ تولىق جانە ۋاقتىلى يگەرىلۋىن باعالاۋدا شىعىستاردى وڭتايلاندىرۋ بويىنشا قوسىمشا ۇسىنىستارى بار. وسىعان سايكەس، اكىمشىلەرمەن بىرلەسىپ 2020 جىلعا ارنالعان بيۋدجەتتى ناقتىلاۋ كەزىندە ەسكەرۋ ءۇشىن شىعىستاردى قوسىمشا وڭتايلاندىرۋ ماسەلەسى پىسىقتالاتىن بولادى.

وڭىرلەر 26،6 ملرد تەڭگە سوماسىندا قاراجاتتى وڭتايلاندىرۋدى ۇسىندى، ونىڭ 72،5% الماتى جانە تۇركىستان وبلاستارىنىڭ، سونداي-اق الماتى قالاسىنىڭ ۇسىنىستارى.

سونداي-اق قارجى مينيسترلىگى 2019 جىلعا جەرگىلىكتى بيۋدجەتتەردىڭ اتقارۋ قورىتىندىلارىن قارادى.

ء«بىز وتكەن جىلى وڭىرلەردىڭ  كىرىستەرى اسىرا ورىندالعانىن كورىپ وتىرمىز، سونىمەن قاتار،  بيۋدجەت قاراجاتىنىڭ بوس قالدىقتارى قالىپتاستى. وسىعان بايلانىستى، رەسپۋبليكالىق بيۋدجەتتەن نىسانالى ترانسفەرتتەر ەسەبىنەن ىسكە اسىرىلاتىن جوبالار بويىنشا وڭىرلەردىڭ قوسا قارجىلاندىرۋ ۇلەسىن قوسىمشا 7%-عا ۇلعايتۋ ۇسىنىلادى»، — دەدى ءا. سمايىلوۆ.

ونىڭ ايتۋىنشا، بۇل شارا رەسپۋبليكالىق بيۋدجەتتە قوسىمشا 36،9 ملرد تەڭگەگە قاراجاتتى بوساتادى.

ودان باسقا، 2020-2022 جىلدارعا ارنالعان بيۋدجەتتى پارلامەنتتە قورعاۋ شەڭبەرىندە ۇكىمەت ديۆيدەندىك ساياساتتى قايتا قاراۋ بويىنشا مىندەتتەمە قابىلدادى، ونىڭ ناتيجەلەرى بيۋدجەتتى ناقتىلاۋ كەزىندە ۇسىنىلاتىن بولادى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار