قازاقستان • 18 اقپان، 2020

ۇكىمەتتە ەلەكتروندىق ساۋدانى دامىتۋ ماسەلەلەرى قارالدى

31 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ەلەكتروندىق ساۋدانى دامىتۋ ماسەلەلەرى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

وسى باعىتتا جۇرگىزىلىپ جاتقان جۇمىستار تۋرالى ساۋدا جانە ينتەگراتسيا ءمينيسترى ب. سۇلتانوۆ، پوشتا ينفراقۇرىلىمىنىڭ جاي-كۇيى تۋرالى «قازپوشتا» اق باسقارما توراعاسى س. سارسەنوۆ، تسيفرلىق كەڭىستىكتە جاعداي جاساۋ تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى ا. جۇماعاليەۆ باياندادى.

قازاقستاننىڭ ەلەكتروندىق ساۋدا نارىعى 2019 جىلى 1،8 ەسەگە ارتىپ، 700 ملرد تەڭگەدەن استى. بولشەك ساۋدانىڭ جالپى كولەمىندەگى ەلەكتروندىق ساۋدا ۇلەسى 2018 جىلعى 2،9%-دان 2019 جىلى 3،7%-عا دەيىن ءوستى. قازاقستاندىق ينتەرنەت-دۇكەندەردەگى ساتىپ الۋ كولەمى 422 ملرد تەڭگەنى، حالىقارالىق ينتەرنەت-الاڭداردا 280 ملرد تەڭگەنى قۇرادى. اسا تانىمال تاۋارلار —  اكسەسسۋارلار مەن تەحنيكا (35%)، كوسمەتيكا (30%)، ۇيگە ارنالعان تاۋارلار (15%)، كيىم جانە اياق كيىم (10%).

2019 جىلى قازاقستاندا 3،2 ملن بەلسەندى ونلاين-ساتىپ الۋشى تىركەلدى (2018 جىلى – 2،3 ملن ادام). ەلىمىزدە 2 مىڭنان استام ينتەرنەت-دۇكەن جۇمىس ىستەيدى، ونىڭ ىشىندە تابىس سالىعىن تولەۋدەن بوساتۋ تۇرىندە سالىق جەڭىلدىكتەرىن الۋ ءۇشىن بارلىعى 579 ينتەرنەت-دۇكەن تىركەلگەن.

2019 جىلى قولما-قول اقشاسىز تولەمدەر كولەمى 2،3 ەسەگە ارتىپ، شامامەن 14،4 ترلن تەڭگەنى قۇرادى (2018 جىلى – 6،4 ترلن تگ). ءوسىم ساۋدا POS-تەرمينالدارى ينفراقۇرىلىمىنىڭ دامۋىمەن، قازاقستان نارىعىنا Apple Pay جانە Samsung Pay-ءدىڭ شىعۋىمەن، بانكتەردىڭ بونۋستار مەن كەشبەكتەر ارقىلى كليەنتتەردى ىنتالاندىرۋىمەن، سونداي-اق قوعامدىق كولىكتىڭ بارلىق تۇرلەرىندە قولما-قول اقشاسىز تولەمدى بەلسەندى پايدالانۋمەن بايلانىستى.

2019 جىلى ەلەكتروندىق ساۋدادا 36،8 مىڭ جاڭا جۇمىس ورنى اشىلدى. ەلەكتروندى ساۋدا ارقىلى قازاقستاندىق تاۋارلاردىڭ ەكسپورتى $5 ملن جەتتى. احقو-دا تىركەلگەن Wildberries حالىقارالىق كومپانياسىنىڭ پلاتفورماسىندا 21 قازاقستاندىق كومپانيا ەاەو ەلدەرىندە 594 تاۋار ءتۇرىن ساتادى. تاياۋ كەلەشەكتە وتكىزۋ اۋماعى ەو ەلدەرىنە كەڭەيەدى.

«ە-كوممەرتسيانىڭ قارقىندى دامۋىنا بايلانىستى جاڭا ماماندىقتار اشىلىپ جاتىر، جۇمىس ورىندارىنىڭ سانى وسۋدە. سوندىقتان قازاقستاننىڭ ءىرى قالالارىندا ە-commerce ورتالىقتارىنىڭ بازاسىندا وقىتۋدى كەڭەيتۋ كەرەك»، — دەدى ا. مامين.  

ۇكىمەت باسشىسى ءبىر اپتا مەرزىم ىشىندە وتكەن جىلى قابىلدانعان ەلەكتروندىق كوممەرتسيانى دامىتۋ جونىندەگى 2025 جىلعا دەيىنگى جول كارتاسىن جانداندىرۋدى تاپسىردى.

سوڭعى جاڭالىقتار

ەلدىك نىشاندار تاريحى

قازاقستان • بۇگىن، 18:14

اتىراۋ: ءۇي قاماققا قامالعان قىز

ايماقتار • بۇگىن، 18:00

بيىل اۋىلعا تابيعي گاز جەتەدى

ايماقتار • بۇگىن، 14:29

ۇقساس جاڭالىقتار