قازاقستان • 18 اقپان، 2020

گەولوگيالىق بارلاۋدى دامىتۋعا 800 ملرد تەڭگەگە جۋىق جەكە ينۆەستيتسيا تارتىلادى

22 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا 2021-2025 جىلدارعا ارنالعان گەولوگيالىق بارلاۋ مەملەكەتتىك باعدارلاماسى تۇجىرىمداماسىنىڭ جوباسى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

تۇجىرىمدامانى ەكولوگيا، گەولوگيا جانە تابيعي رەسۋرستار ءمينيسترى م. مىرزاعاليەۆ تانىستىردى، قازاقستان مۇنايشىلار-گەولوگتار قوعامىنىڭ پرەزيدەنتى ب. قۋاندىقوۆ، «شەلل قازاقستان» كومپانياسىنىڭ كوممەرتسيالىق ماسەلەلەر جونىندەگى باس مەنەدجەرى ە. مەرفي، «قازاقمىس بارلاۋ» باس ديرەكتورى ع. نۇرجانوۆ، شىعىس قازاقستان وبلىسىنىڭ اكىمى د. احمەتوۆ، قاراعاندى وبلىسىنىڭ اكىمى ج. قاسىمبەك، قر پرەمەر-ءمينيسترىنىڭ ورىنباسارى ر. سكليار قر-دا گەولوگيالىق بارلاۋدى دامىتۋ تاسىلدەرى مەن ماسەلەنىڭ وزەكتىلىگى تۋرالى بايانداما جاسادى.

ازىرلەنىپ جاتقان 2021-2025 جىلدارعا ارنالعان گەولوگيالىق بارلاۋ مەملەكەتتىك باعدارلاماسى قازاقستان اۋماعىنىڭ گەولوگيالىق زەردەلەنۋىن قامتاماسىز ەتۋگە، مينەرالدىق-شيكىزات بازاسىن تولىقتىرۋعا (پايدالى قازبالار قورلارىنىڭ ءوسىمى)، جەر قويناۋىن گەولوگيالىق زەرتتەۋدى عىلىمي-زەرتتەۋشىلىك قامتاماسىز ەتۋگە، اۆتوماتتاندىرۋ مەن تسيفرلاندىرۋعا، ينفراقۇرىلىمدى دامىتۋعا جانە گەولوگيالىق سالانى كادرلىق قامتاماسىز ەتۋگە، سونداي-اق حالىقتىڭ الەۋمەتتىك-ەكونوميكالىق ءال-اۋقاتىن قامتاماسىز ەتۋگە باعىتتالاتىن بولادى.

مەملەكەتتىك باعدارلامانى جۇزەگە اسىرۋ ءۇشىن مەملەكەتتىك بيۋدجەتتەن 200 ملرد تەڭگەگە جۋىق قاراجات ءبولۋ، سونداي-اق شامامەن 800 ملرد تەڭگە جەكە ينۆەستيتسيالار تارتۋ كوزدەلىپ وتىر.

مەملەكەتتىك باعدارلامانى ورىنداۋ الاڭداردى گەولوگيالىق جەتە زەرتتەۋدى 94،5%-دان 100%-عا دەيىن، تەرەڭدىك، گەولوگيالىق-مينەراگەندىك كارتاعا ءتۇسىرۋدى 25،8%-دان 37%-عا دەيىن ارتتىرۋعا، قاتتى پايدالى قازبالاردىڭ 50-گە جۋىق پەرسپەكتيۆالى الاڭىن انىقتاۋعا، شوگىندى الاپتاردىڭ گەولوگيالىق زەردەلەنۋىن قامتۋدى: يگەرىلگەندەردى – 60%-عا دەيىن، از زەرتتەلگەندەردى 10%-عا دەيىن ۇلعايتۋعا مۇمكىندىك بەرەدى.

بولجامدىق رەسۋرستاردىڭ ءوسۋى كۇتىلۋدە، ونىڭ ىشىندە التىن – 200 توننا، مىس – 5 ملن توننا، پوليمەتالدار – 5 ملن توننا، ۋران – 50 مىڭ توننا، كومىرسۋتەكتەر – 700 ملن توننا. گەولوگيالىق بارلاۋ سالاسى قىزمەتكەرلەرىنىڭ سانى 190 مىڭنان 250 مىڭ ادامعا دەيىن ارتادى.

«تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆ ەكونوميكانىڭ ءداستۇرلى ءوندىرۋشى سالالارىنىڭ تيىمدىلىگىن ارتتىرۋ جانە قازاقستاندى گەولوگيالىق بارلاۋدىڭ الەمدىك نارىعىنا شىعارۋ جونىندە مىندەت قويدى. مەملەكەت باسشىسى قاسىم-جومارت كەمەل ۇلى توقاەۆ ۇكىمەتكە گەولوگيالىق بارلاۋدىڭ مەملەكەتتىك باعدارلاماسىن ازىرلەۋدى تاپسىردى. مۇناي-گاز جانە تاۋ-كەن مەتاللۋرگيا سەكتورلارىن تۇراقتى شيكىزات بازاسىمەن قامتاماسىز ەتۋ قاجەت. قازىرگى بار كەن ورىندارى بىرتىندەپ سارقىلۋدا. سونىمەن بىرگە، قازىرگى ۋاقىتتا قازاقستان اۋماعىنىڭ زەرتتەلۋ دەڭگەيى 25%-دان ءسال عانا اسىپ وتىر»، — دەدى ا. مامين. 

پرەمەر-مينيستر گەولوگيالىق بارلاۋدىڭ مەملەكەتتىك باعدارلاماسىن ءتيىمدى ىسكە اسىرۋ سالىنعان 1 تەڭگەگە 4 تەڭگەگە دەيىن قوسىمشا جەكە ينۆەستيتسيالاردى تارتۋعا مۇمكىندىك بەرەتىنىن اتاپ ءوتتى. ەلىمىزدىڭ، اسىرەسە مونوقالالاردىڭ ماڭىندا مينەرالدىق-شيكىزات بازاسىن مولىقتىرۋ ەكونوميكاعا وڭ اسەرىن تيگىزىپ، ونەركاسىپ سالالارىن دامىتۋ ءۇشىن ناقتى نەگىز بولادى.

«كەن ورىندارىن اشقان كەزدە جاڭا وندىرىستىك كەشەندەر قۇرىلادى، بۇل 6 ترلن تەڭگەگە دەيىن ينۆەستيتسيا تارتۋعا جانە قوسىمشا 20 مىڭ جۇمىس ورنىن اشۋعا مۇمكىندىك بەرەدى»، — دەپ اتاپ ءوتتى ا. مامين.

پرەمەر-مينيستر گەولوگيالىق بارلاۋ جۇمىستارىن جۇرگىزۋ كەزىندە گەوفيزيكالىق زەرتتەۋلەر مەن جەردى قاشىقتان زوندتاۋدىڭ جاڭا ادىستەرىن قولدانۋ قاجەت ەكەنىن اتاپ ءوتتى. 

ۇكىمەت باسشىسى ەكولوگيا، گەولوگيا جانە تابيعي رەسۋرستار مينيسترلىگىنە وسى جىلدىڭ 31 مامىرىنا دەيىن مەملەكەتتىك باعدارلامانىڭ جوباسىن ۇكىمەتكە ەنگىزۋدى تاپسىردى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار