قاسىم-جومارت توقاەۆقا ۇلتتىق حولدينگتەر جۇمىسىنىڭ تيىمدىلىگىنە جۇرگىزىلگەن تالداۋ قورىتىندىلارى تۋرالى ەسەپ بەرىلدى. مۇنداي تاپسىرما 2019 جىلعى 2 قىركۇيەكتە پرەزيدەنتتىڭ قازاقستان حالقىنا ارنالعان جولداۋىندا بەرىلگەن بولاتىن.
ەسەپ كوميتەتى باسشىسىنىڭ مالىمەتى بويىنشا, شەشىلۋى ءتيىس قوردالانعان ماسەلەلەر مەن كەمشىلىكتەر انىقتالعان. اتاپ ايتقاندا, ەكونوميكاداعى كۆازيمەملەكەتتىك سەكتوردىڭ ۇلەسى ازايماي تۇر. ونداعى كومپانيالار ايتارلىقتاي دارەجەدە رەسپۋبليكالىق بيۋدجەتتىڭ قولداۋىنا تاۋەلدى.
ناتاليا گودۋنوۆانىڭ ايتۋىنشا, ساتىپ الۋلار كەزىندەگى راسىمدەردە ءالى دە اشىقتىق جوق. شارتتاردىڭ دەنى باسەكەلەستىك جولمەن جاسالمايدى. ەسەپ كوميتەتى اۋديت جۇرگىزىپ, وسى ماسەلەنىڭ ناقتى سەبەپتەرىن انىقتاۋى كەرەك.
ەسەپ كوميتەتىنىڭ باسشىسى قازاقستان پرەزيدەنتىنىڭ قاراۋىنا ۇلتتىق حولدينگتەردى, سونىڭ ىشىندە كۆازيمەملەكەتتىك سەكتوردىڭ كەيبىر كومپانيالارىن جابۋ ماقساتىندا وڭتايلاندىرۋ تۋرالى ۇسىنىس ەنگىزدى.
جالپى, پرەزيدەنت ەسەپ كوميتەتىنىڭ جۇمىسىنا وڭ باعا بەردى.
