ايماقتار • 17 اقپان، 2020

بەردىبەك ساپارباەۆ قورداي اۋدانىنداعى قاسىق اۋىلدىق وكرۋگىن ارالادى

50 رەتكورسەتىلدى

جامبىل وبلىسىنىڭ اكىمى بەردىبەك ساپارباەۆ قورداي اۋدانىنا جۇمىس ساپارى بارىسىندا قاسىق اۋىلدىق وكرۋگىندەگى الەۋمەتتىك نىسانداردى ارالادى. بۇل تۋرالى جامبىل وبلىسى اكىمدىگىنىڭ ءباسپاسوز قىزمەتى حابارلادى.

وكرۋگ ورتالىعى سانالاتىن ءالجان انا اۋىلىندا بەردىبەك ساپارباەۆ تاۋلىگىنە 15 ەمدەلۋشىگە ساپالى مەديتسينالىق قىزمەت كورسەتۋگە قابىلەتتى دارىگەرلى امبۋلاتوريادا بولدى. نىسانداعى شتاتتىق بىرلىك 14 قىزمەتكەردى قۇرايدى. ونىڭ ەكەۋى دارىگەر بولسا، جەتەۋى ورتا بۋىندى مەديتسينالىق قىزمەتكەر. وبلىس اكىمى مۇندا مىندەتتى مەديتسينالىق ساقتاندىرۋ جۇيەسىن ەنگىزۋ، ۆاكتسيناتسيالاۋ مەن سكرينگتەۋ، پاتسيەنتپەن جۇمىستى جاقسارتۋعا نازار اۋداردى.

ال ءالجان انا اۋىلىنداعى تاريحي مۋزەيى مەن مادەنيەت ۇيىندە بولعان بەردىبەك ماشبەك ۇلى جاستاردىڭ مادەني-تىنىعۋ جۇمىستارىن ۇيىمداستىرۋ، ولاردىڭ قىزىعۋشىلىقتارىنا قاراي ءتۇرلى ۇيىرمەلەر اشۋعا ءمان بەرۋ قاجەتتىگىن تىلگە تيەك ەتتى. مادەنيەت ءۇيى جانىندا كىتاپحانا، دومبىرا ۇيرەتۋ ۇيىرمەسى مەن ۆوكال جۇمىس جاسايدى. الداعى ۋاقىتتا بۇل ۇيىرمەلەردىڭ جۇمىسى جاندانا تۇسەتىن بولادى.

№ 23 ت.رىسقۇلوۆ اتىنداعى مەكتەپتىڭ پەداگوگيكالىق ۇجىمىمەن كەزدەسۋ كەزىندە ءوڭىر باسشىسى ۇستازداردىڭ نازارىن تاربيە بەرۋدە اتا-انامەن تىعىز بايلانىستا جۇمىس جاساۋ شارالارىنا اۋداردى. بۇل وقۋ ورنىنداعى ءبىلىم الاتىن 850 وقۋشىعا ءبىلىم بەرۋ جۇمىستارىمەن 85 پەداگوگ اينالىسادى. سونداي-اق سپورتزال، زاماناۋي ۇلگىدە جابدىقتالعان حيميا كابينەتى، مۋلتيمەديالىق كابينەتتەر، جوعارى سىنىپ وقۋشىلارىنا ارنالعان شەبەرحانا، ۇلكەن كىتاپحانا جۇمىس جاسايدى.
بەردىبەك ساپارباەۆ اتالعان نىسانعا بيىل كۇردەلى جوندەۋ جۇمىستارىن جۇرگىزۋ ۇسىنىسىن قولدادى. قورداي اۋىلىنىڭ ماڭىندا ورنالاسقان امبەباپ اكۆاپونيكالىق جىلىجاي تەك قانا كوكونىستەر مەن اسكوك ءوسىرىپ قويماي بالىقتاردىڭ بابىن تابۋعا مۇمكىندىك بەرەدى.

جالپى قۇنى 1 ميلليارد تەڭگەنى قۇرايتىن جىلىجايدىڭ اۋماعى 0،7 گەكتاردى قۇرايدى. نىسان وتكەن جىلى پايدالانۋعا بەرىلگەن. تولىق قۋاتتىلىعىنا ەنگەندە جىلىجايدا 20 تۇراقتى جۇمىس ورنى قۇرىلماق. قازىردىڭ وزىندە جىلىجايدا گيدروپونيكا ادىسىمەن كوكونىستىڭ 15 ءتۇرى وسىرىلەدى. سونداي-اق 0،2 گەكتار جەرگە قۇلپىناي تۇقىمى سەبىلدى.

ءوڭىر باسشىسى جەرگىلىكتى تۇرعىنداردى قىسقى مەرزىمدە قاجەتتى ونىمدەرمەن ارزان باعادا قامتاماسىز ەتۋ ءۇشىن جوعارى تەحنولوگيالى جىلىجاي شارۋاشىلىعىن بەلسەندى دامىتۋعا ءمان بەرۋدى تاپسىردى.

جۇمىس ساپارىن قورىتىندىلاعان بەردىبەك ساپارباەۆ بارلىق تاپسىرمالاردىڭ ءوز ۋاقىتىندا ساپالى ورىندالۋ كەرەكتىگىن ەسكەرتىپ، ولاردىڭ ورىندالۋىن جەكە باقىلاۋىنا الاتىنىن جەتكىزدى.

سوڭعى جاڭالىقتار

ۇقساس جاڭالىقتار