اتالمىش شارا «استانالىق» ساۋدا كەشەنىندە ساعات 11.00-دە باستالادى. ءاربىر ازامات ءوزىنىڭ قالاعان سۇراعىمەن «نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسى», «ازاماتتارعا ارنالعان ۇكىمەت» مەملەكەتتىك كورپوراتسياسى», «جۇمىسپەن قامتۋ ورتالىعى», «مەدياتسيانى دامىتۋ ورتالىعى» جانە باسقا دا مەكەمەلەردىڭ وكىلدەرىنە جولىعا الادى.
سونىمەن قاتار كاسىبي زاڭگەر مەن پسيحولوگ مامانى كونسۋلتاتسيالار جۇرگىزەدى. ءىس-شارانىڭ وتكىزىلۋ ماقساتى – جاستاردى قازىرگى ۋاقىتتا جۇزەگە اسىرىلىپ جاتقان جانە جاس قازاقستاندىقتارعا باعىتتالعان مەملەكەتتىك باعدارلامالارمەن تانىستىرۋ جانە قالا تۇرعىندارىنا جەكە سۇراقتار بويىنشا كونسۋلتاتسيالىق كومەك بەرۋ.
