انگليانىڭ نيۋ-گەمپشير شتاتى مانچەستەر قالاسىنداعى حريستيان جاس ايەلدەرى اسسوتسياتسياسى عيماراتىنىڭ ەكىنشى قاباتىندا ءبىر ەر كىسى مەن بالانىڭ مايىتتەرى تابىلدى. پوليتسيا كوركورد-ستريت كوشەسى بويىندا اتىس بولعانى تۋرالى حابار بويىنشا جەتتى. بۇل تۋرالى ورىس تىلىندەگى RT حابارلادى.
اتىس تۋراسىنداعى قوڭىراۋ جەرگىلىكتى ۋاقىتپەن 10:30 ساعاتتا شلىندى. پوليتسيا وسىدان كەيىن سول ماڭعا باراتىن جولداردىڭ ءبارىن جاۋىپ, كەلۋشىلەردى جەڭىس باياباعىنان الىپ شىقتى. ارتىنشا ءتارتىپ ساقشىلارى ەرەسەك ەر كىسى مەن بالانىڭ دەنەلەرىن تاپتى. ولاردىڭ مالىمەتتەرى بويىنشا, ەركەك الدىمەن بالانى اتىپ ولتىرگەن, سوسىن ءوزىن اتقان. ءالى انىقتالماعان اقپارعا ساي, اتى اتالماي وتىرعان كۇدىكتى ءوزىنىڭ دوسىنا ەلەكتروندى پوشتامەن حات جولداپ, ءوزىنىڭ تۋعان ۇلىن اتىپ تاستاعالى وتىرعانىن جازىپتى.
پوليتسيادا بۇدان باسقا دەرەك جوق. ينسپەكتور دەۆيد مارانىڭ سوزىنە قاراعاندا, «قوعامدىق قاۋىپسىزدىككە قاتەر تونبەگەن».
حريستيان جاس ايەلدەردىڭ اسسوتسياتسياسى بالالارىمەن كەلۋشى اتا-انالار ءۇشىن جەكسەنبى كۇندەرى ەسىگىن اشاتىن كورىنەدى.
مۇرات ايتقوجا.
