- قوقيقازدار مىڭداعان شاقىرىمدارداعى الىس ايماقتاردا قىستايدى. ولار قازاقستاننىڭ بىرنەشە وڭىرىندە عانا, اتاپ ايتقاندا كاسپي تەڭىزىنىڭ سولتۇستىك-شىعىسىندا, شالقارتەڭىز كولىنىڭ ماڭىندا, تەڭىز كولىندە ۇيالايدى. ەل اۋماعىندا شامامەن 50-100 مىڭعا تارتا قوقيقاز جازدى وتكىزەدى. ولار كوبىنەسە تەڭىز كولىنىڭ ماڭىندا شوعىرلانعان. ال قالعان بولىگى كاسپي تەڭىزى مەن شالقارتەڭىزدى مەكەندەيدى. كاسپي تەڭىزىنە جۇرگىزىلگەن تالداۋ جۇمىستارى لەنكوران جاعالاۋىندا - 10 مىڭ, تۇرىكمەن جاعالاۋىندا - تاعى 10 مىڭ قوقيقازدىڭ قىستايتىنىن كورسەتكەن, - دەپ جازدى ساكەن دىلداحمەت.
