مىسىر پوليتسياسى بۇگىن تاڭەرتەڭنەن باستاپ كاير الاڭدارى مەن كوشەلەرىندەگى ەكس-پرەزيدەنت مۇحاممەل ءمۋرسيدىڭ جاقتاستارىن قۋعا كىرىستى. بۇل تۋرالى «رەيتەر» اگەنتتىگى حابارلادى.
بۇدان بۇرىن «توڭكەرىستەرگە قارسى جانە دەموكراتيا ءۇشىن اليانس» قوزعالىسى تاقتان تايدىرىلعان مىسىر پرەزيدەنتىنىڭ جاقتاستارىن «سايلاۋدىڭ زاڭدىلىعىن قورعاۋ» ءۇشىن كاير كوشەلەرىمەن ون مارش جاساپ وتۋگە شاقىرعان ەدى.
مىسىردىڭ بۇقارالىق اقپارات قۇرالدارى شەكسىز اكتسيانى توقتاتۋ ءۇشىن جۇرگىزىلەتىن وپەراتسيانىڭ بىرنەشە اپتاعا سوزىلاتىنىن حابارلاعان بولاتىن. بيلىك كوپتەگەن قۇرباندىقتارعا اپاراتىن بولعاندىقتان, يسلاميستەردىڭ شاتىرلى قالاشىقتارىنا ءبىر مەزگىلدە شابۋىل جاساۋدان باس تارتتى. ال يسلاميستەردىڭ اكتسيالارى مۋرسي تاقتان تايدىرىلعان 3 شىلدەدەن باستالىپ كەتكەن-ءدى.
ايدار ورىسباەۆ.
