قازاقستاندىق تاراپتى سىرتقى ىستەر ءمينيسترىنىڭ ورىنباسارى ەرجان اشىقباەۆ, ال قوردى - حالىقتىڭ قونىستانۋى سالاسىنداعى قوردىڭ (UNFPA) قازاقستانداعى وكىلى, قىرعىزستان جانە تۇرىكمەنستان بويىنشا ەلدىك ديرەكتورى دجۋليا ۆالەزە باسقاردى.
ە.اشىقباەۆ بۇۇ حالىقتىڭ قونىستانۋى سالاسىنداعى قورىنىڭ قازاقستانداعى باعدارلامالىق قىزمەتى ۇكىمەتىمىزدىڭ باسىمدىقتارىنا, بۇۇ دامۋ سالاسىنداعى ارىپتەستىك نەگىزدەمەلىك باعدارلاماسىنا جانە 2030 جىلعا دەيىنگى كۇن تارتىبىنە سايكەستىگىن اتاپ ءوتتى.
قازاقستان ۇكىمەتى بۇۇ حالىقتىڭ قونىستانۋى سالاسىنداعى قورىمەن حالىقتىڭ قونىستانۋى جانە ۇلتتىق ستراتەگيالىق باعدارلامالارى ماسەلەلەرىن دامىتۋ, سونىمەن قاتار, ەلدىڭ ورنىقتى دامۋدىڭ ءۇشىنشى جانە بەسىنشى ماقساتىنا جەتۋ بويىنشا باعدارلامالىق قىزمەتى شەڭبەرىندەگى سىندارلى ءوزارا ارەكەتتەستىكتى جالعاستىرۋدى ماڭىزدى سانايدى.
بۇۇ حالىقتىڭ قونىستانۋى سالاسىنداعى قورى قىزمەتىنىڭ نەگىزگى باعىتتارى: رەپرودۋكتيۆتى دەڭساۋلىقتى جاقسارتۋ سالاسىندا جاردەم كورسەتۋ; ايەلدەر, جاسوسپىرىمدەر, جاستار سونىمەن قاتار, ميگرانتتار, قارتتار, مۇگەدەكتەر جانە باسقا دا وسال توپتارداعى ادامداردىڭ قۇقىقتارىنا ەرەكشە نازار اۋدارا وتىرىپ, حالىقتىڭ رەپرودۋكتيۆتى قۇقىقتارىمەن بايلانىستى ماسەلەلەردى شەشۋ; گەندەرلىك زورلىق-زومبىلىققا دەن قويۋ; دەموگرافيالىق ستاتيستيكانىڭ جاقسارۋى جانە حالىقتىڭ ساناعىن جۇرگىزۋدە جانە نەگىزگى ۇلتتىق تەكسەرۋلەردە قولعابىس كورسەتۋ.
