كەڭەس بارىسىندا م-36 «رف شەكاراسى (ەكاتەرينبۋرگ) – الماتى» 2453-2446 شاقىرىم» اۆتوجولىن شامالعان ستانساسىنىڭ تەمىرجول وتكەلىندە جول وتپەسىن ورناتا وتىرىپ, قايتا قۇرۋ ماسەلەسى تالقىلاندى. اتالمىش جوبا بويىنشا وتكەن جىلدىڭ جەلتوقسانىن ايىندا «توديني كونسترۋتسيوني دجەنەرالي س.پ.ا.»/ «Integra Construction KZ» جشس كونسورتسيۋمىمەن كەلىسىمشارتقا قول قويىلعان بولاتىن. قۇرىلىس-مونتاجدىق جۇمىستار 2019 جىلى باستالدى. قازىرگى تاڭدا جوبالاۋ-ىزدەستىرۋ جۇمىستارى جۇرگىزىلىپ جاتىر. جيىن بارىسىندا قۇرىلىستى ۋاقىتىلى اياقتاۋ, اعىمداعى جىلدىڭ سوڭىنا دەيىن اۆتوموبيل جولىنىڭ اتالمىش ۋچاسكەسىندە جول قوزعالىسىن قامتاماسىز ەتۋ تاپسىرىلدى.
سونىمەن قاتار «الماتى-بىشكەك» اۆتوموبيل جولىنىڭ 16-19 شاقىرىمىنداعى «التىن وردا» جانە 18-19 شاقىرىمداعى «اسىل ارمان» تۇرعىن ءۇي كەشەنى اۋدانىنداعى ۋچاسكەسىن كۇردەلى جوندەۋدەن وتكىزۋ جۇمىستارىنىڭ بارىسى قارالدى. «التىن وردا» بازارى 16-19 شاقىرىم ۋچاسكەسىندەگى جۇمىستار 2020 جىلدىڭ جەلتوقسانىندا اياقتالماق. بۇگىنگى تاڭدا نىساندا قۇرىلىس ماتەريالدارىن دايىنداۋ جۇمىستارى جۇرگىزىلۋدە.
«اسىل ارمان» تك اۋدانى 18-19 شاقىرىم ۋچاسكەسىندەگى كۇردەلى جوندەۋ جۇمىستارى 2019 جىلدىڭ جەلتوقسانىندا باستالدى. جوبا اياسىندا ءتۇرلى دەڭگەيدە ۇزىندىعى 550 مەتر بولاتىن ءتورت جولاقتى قوزعالىستى ۇيىمداستىرۋ ارقىلى كولىكتىك جول ايىرىعى مەن جاياۋ جۇرگىنشىلەرگە ارنالعان 1 جەرۇستى كوپىرىنىڭ قۇرىلىسى قاراستىرىلعان.
كەڭەستە «الماتى-بىشكەك» اۆتوجولىن («التىن وردا» بازارى 16-19 شاقىرىم) كۇردەلى جوندەۋدەن وتكىزۋ جوباسىنىڭ ىسكە اسىرىلۋىن ەرەكشە باقىلاۋعا الۋ جانە جوبانى بەلگىلەنگەن مەرزىمدە اياقتاۋ تۋرالى شەشىم قابىلداندى.
بۇدان بولەك, شارا اياسىندا «ۇزىناعاش-وتار» اۆتوموبيل جولىن رەكونسترۋكتسيادان وتكىزۋ جۇمىستارىنىڭ بارىسى تالقىلاندى. ۇزىندىعى 96 شاقىرىمدى قۇرايتىن جولدى رەكونسترۋكتسيالاۋ جوباسى 2022 جىلعا دەيىن اياقتالادى دەپ جوسپارلانىپ وتىر.
