تاعايىنداۋ • 17 اقپان، 2020

قاراعاندى وبلىستىق قاجد باستىعى تاعايىندالدى

60 رەتكورسەتىلدى

قاراعاندى وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ جاڭا باستىعى بولىپ عازيز تاكەشەۆ تاعايىندالدى، دەپ حابارلادى وبلىس اكىمىنىڭ ءباسپاسوز قىزمەتى.

عازيز تاكەشەۆ 1970 جىلى قاراعاندى وبلىسىنداعى قاراجال قالاسىندا دۇنيەگە كەلگەن. 2002 جىلى ب.بەيسەنوۆ اتىنداعى قر ءىىم قاراعاندى زاڭ ينستيتۋتىن قۇقىقتانۋ ماماندىعى بويىنشا ءتامامدادى. 1989 جىلدان 1991 جىلعا دەيىن قارۋلى كۇشتەر قاتارىندا قىزمەت ەتتى.

1994 جىلى قۇقىق قورعاۋ ورگاندارىنا قىزمەتكە قابىلداندى. وسى ۋاقىتتان 1997 جىلعا دەيىن قاراعاندى وبلىسى ءىىب جانىنداعى قاجد كد-173/2 مەكەمەسىنىڭ جاساق باستىعى بولدى. ودان كەيىن 1997 جىلدان 1999 جىلعا دەيىن قاجكب اك-159/22 مەكەمەسى كولونيا باستىعىنىڭ كەزەكشى كومەكشىسى لاۋازىمىندا قىزمەت اتقاردى.

2001 جىلى قاراعاندى وبلىسى بويىنشا قاجك قاراماعىنا جىبەرىلدى.

2002 جىلدان 2006 جىلعا دەيىن قاراعاندى وبلىسى بويىنشا قاجكب اك-159/22 مەكەمەسىنىڭ ارنايى ەسەپكە الۋ ءبولىمىنىڭ باستىعى بولىپ جۇمىس ىستەدى.

2006 جىلدان 2010 جىلعا دەيىن قاجكب اك-159/22 مەكەمەسى كولونيا باستىعىنىڭ تاربيە جۇمىسى جونىندەگى ورىنباسارى بولدى.

2012 جىلدان باستاپ 2017 جىلعا دەيىن قاراعاندى وبلىسى بويىنشا قاجد اك-159/25 مەكەمەسىنىڭ باستىعى قىزمەتىن اتقاردى.

وسى تاعايىنداۋعا دەيىن قاراعاندى وبلىسى بويىنشا قاجد باستىعىنىڭ ورىنباسارى بولدى.

سوڭعى جاڭالىقتار

ۇقساس جاڭالىقتار