قازاقستان • 17 اقپان، 2020

قۇس تۇماۋىنان ساقتانۋ: ۋكراينادان تاۋىق ەتىن اكەلۋگە تىيىم سالىندى

64 رەتكورسەتىلدى

قازاقستان «قۇس تۇماۋىنا» بايلانىستى ۋكراينانىڭ ۆيننيتسا وبلىسىنان قۇس جانە قۇس ونىمدەرىن الىپ كەلۋگە تىيىم سالدى. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى. 

اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتى ۋاقىتشا شەكتەۋدى 2020 جىلعى 27 قاڭتاردا حالىقارالىق ەپيزووتيالىق بيۋروسىنىڭ ۋكراينانىڭ ۆيننيتسا وبلىسىندا قۇس تۇماۋىنىڭ جوعارى پاتوگەندى ۆيرۋسىن تىركەۋىنىڭ نەگىزىندە ەنگىزدى.

سونداي-اق ۋكراينا رەسپۋبليكاسىنىڭ ۆيننيتسك وبلىسى اۋماعى ارقىلى جىلۋلىق وڭدەۋدەن وتپەگەن (كەمىندە 70°س) ءتىرى قۇستىڭ، ينكۋباتسيالىق جۇمىرتقانىڭ، مامىقتىڭ جانە قاۋىرسىننىڭ، قۇس ەتىنىڭ جانە قۇس شارۋاشىلىعى ونىمدەرىنىڭ بارلىق تۇرلەرىنىڭ ترانزيتىنە ۋاقىتشا شەكتەۋ قويدى. سونىمەن قاتار قۇستاردى كۇتىپ-ۇستاۋعا، سويۋعا جانە بولشەكتەۋگە ارنالعان بۇرىن قولدانىستا بولعان جابدىقتاردى پايدالانۋعا تىيىم سالىندى.

قازاقستان قۇس وسىرۋشىلەر وداعىنىڭ پرەزيدەنتى رۋسلان ءشارىپوۆتىڭ ايتۋىنشا، اتالمىش شارا قازاقستان اۋماعىن قۇستاردىڭ قاۋىپتى اۋرۋلارىنىڭ تارالۋىنان قورعاۋعا ىقپال ەتەدى.

«وسىنداي ۋاقىتىلى شەشىم باردا، قۇس وسىرەتىن شارۋاشىلىقتاردىڭ يەلەرى ءوزىنىڭ قۇستارى ءۇشىن الاڭداماسا دا بولادى» دەدى رۋسلان ءشارىپ.

ايتا كەتسەك، رەسەي فەدەراتسياسى مەن بەلارۋس رەسپۋبليكاسى دا  قۇس تۇماۋىنىڭ شىعۋىنا بايلانىستى ۋاقىتشا شەكتەۋلەر ەنگىزدى.
سوڭعى جاڭالىقتار

ۇقساس جاڭالىقتار