قازاقستان • 17 اقپان، 2020

قورعانىس ءمينيسترى تالدىقورعان جانە الماتى گارنيزوندارىنا جۇمىس ساپارىمەن باردى

63 رەتكورسەتىلدى

تالدىقورعان جانە الماتى گارنيزوندارىنىڭ اسكەري قىزمەتشىلەرى جاۋىنگەرلىك جانە دەنە شىنىقتىرۋ دايارلىعىنىڭ جوعارى دەڭگەيىن كورسەتتى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.

جۇمىس ساپارى بارىسىندا قورعانىس ۆەدومستۆوسىنىڭ باسشىسى تالدىقورعان جانە الماتى گارنيزوندارىنىڭ اسكەري بولىمدەرى مەن مەكەمەلەرىنىڭ جۇمىسىن تەكسەردى. ول دەسانتتىق-شابۋىل بريگاداسى مەن ارنايى ماقساتتاعى بولىمگە باردى. وندا ول ماتەريالدىق-تەحنيكالىق بازانىڭ جاعدايىن تەكسەرىپ، جاۋىنگەرلىك تەحنيكانى سىناۋعا قاتىستى.

تالدىقورعاندا اۋەبازاسىندا مينيسترگە سۋ-30سم جاڭا كوپفۋنكتسيونالدى جويعىش ۇشقىشتاردىڭ مۇمكىندىكتەرى كورسەتىلدى. قورعانىس ۆەدومستۆوسىنىڭ باسشىسى «ارلان» كوپ ماقساتتى بروندالعان دوڭعالاقتى ماشيناسىنىڭ تاكتيكالىق-تەحنيكالىق مۇمكىندىكتەرىن تەكسەرىپ، ءجۇرىس ساپالارىن سىناعان، سونداي-اق تۇراقتاندىرىلعان، قاشىقتىقتان باسقارىلاتىن جانە مەحانيكالىق جاۋىنگەرلىك مودۋلدەرى بار «ۋتيوس» وقشاشارىنان اتتى.

مامانداندىرىلعان بولىمدەردىڭ ءبىرىنىڭ كومانديرى جەدەل جانە جاۋىنگەرلىك دايارلىق ءىس-شارالارىن قامتاماسىز ەتۋ جونىندەگى جۇمىستار تۋرالى باياندادى. تەكسەرۋ قورىتىندىسى بويىنشا نۇرلان ەرمەكباەۆ گارنيزون اسكەري قىزمەتشىلەرىنىڭ جاۋىنگەرلىك جانە دەنە شىنىقتىرۋ دايىندىعىنا جوعارى باعا بەردى.


سوڭعى جاڭالىقتار

ۇقساس جاڭالىقتار