قازاقستان • 17 اقپان، 2020

الماتى-مۋمباي اۋە رەيسى اشىلادى

53 رەتكورسەتىلدى

2020 جىلدىڭ 1 ماۋسىمىنان باستاپ Air Astana الماتى مەن مۋمباي قالالارى اراسىندا تۇراقتى رەيسىن ىسكە قوسادى. رەيستەر دۇيسەنبى، سەيسەنبى، بەيسەنبى جانە سەنبى كۇندەرى Airbus A320 ۇشاقتارىمەن ورىندالادى. بۇل تۋرالى Air Astana اۋە كومپانياسىنىڭ ءباسپاسوز قىزمەتى حابارلادى.

اۋە كومپانياسىنىڭ جازعى كۇنتىزبەسىنە سايكەس، دۇيسەنبى مەن سەيسەنبى كۇندەرى الماتىدان ۇشاق جەرگىلىكتى ۋاقىت بويىنشا 07:05 ۇشىپ، مۋمباي قالاسىنا 11:05 جەتىپ قونادى. قايتار رەيس مۋمبايدان 12:05 ۇشىپ، الماتىعا 16:55 قونادى. بەيسەنبى مەن سەنبى كۇندەرى الماتىدان 22:10 ۇشىپ، مۋمبايدان قايتار رەيس ەرتەڭىنە جەرگىلىكتى ۋاقىت بويىنشا 03:10 ورىندالادى. ەكى باعىتقا دا ۇشۋ ۋاقىتى - 4،5 ساعات.

بيلەتتەردى airastana.com سايتىندا برونداپ، ساتىپ الۋعا بولادى. بارىپ-كەلۋگە ەكونوم-كلاسس بيلەتتەرىن 150 000 تەڭگەدەن باستالاتىن ارنايى پرومو-تاريفپەن الۋعا بولادى. بيلەت باعاسى تاريف تۇرىنە جانە بيلەتتى ساتىپ الۋ كەزىندەگى ۆاليۋتا باعامىنا تاۋەلدى. ناۋقان 31 ناۋرىزعا دەيىن جالعاسادى.

مۋمباي Air Astana تۇراقتى تۇردە قاتىنايتىن ءۇندىستاننىڭ ەكىنشى قالاسى بولماق. اۋەكومپانيا ءۇندىستان استاناسى دەليگە 2004 جىلدان بەرى قاتىنايدى.

سوڭعى جاڭالىقتار

ۇقساس جاڭالىقتار