قوعام • 17 اقپان، 2020

بيىل قاڭتاردا قازاقستاندىقتارعا 200 ملرد تەڭگەدەن استام زەينەتاقى تولەندى

44 رەتكورسەتىلدى

قاڭتار ايىندا رەسپۋبليكالىق بيۋدجەتتەن بازالىق زەينەتاقى تولەۋ ءۇشىن 62،1 ملرد تەڭگە، ىنتىماقتى زەينەتاقى تولەمدەرىنە – 138،4 ملرد تەڭگە باعىتتالدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.

2020 جىلعى 1 اقپانداعى جاعداي بويىنشا زەينەتكەرلەر سانى 2 ملن 222،5 مىڭ ادامدى قۇرايدى.

زەينەتاقى تولەمدەرىنىڭ ورتاشا مولشەرى (بازالىق زەينەتاقى تولەمدەرىن قوسا العاندا) 2020 جىلدىڭ 1 اقپانىنا 90 502 تەڭگەنى قۇرادى.

ەستەرىڭىزگە سالا كەتەيىك، 2018 جىلعى 1 شىلدەدەن باستاپ مەملەكەتتىك بازالىق زەينەتاقى تولەمى زەينەتاقى جۇيەسىندە قاتىسۋ ءوتىلىن (مەرزىمىن)   تاجىريبەسىن ەسكەرە وتىرىپ، ءار الۋشىعا جەكە تاعايىندالادى. زەينەتاقى جۇيەسىنە قاتىسۋ ءوتىلى 1998 جىلدىڭ 1 قاڭتارىنا دەيىن ىنتىماقتى جۇيەدە جيناقتالعان جانە مىندەتتى زەينەتاقى جارنالارى (بۇدان ءارى – مزج) تولەنگەن كەزەڭدەر نەگىزىندە سول كۇننەن كەيىن جيناقتالعان ءوتىل قوسىلادى. سونىمەن بىرگە، مزج تولەۋدىڭ ءبىر ايى جيناقتالعان زەينەتاقى جۇيەسىندەگى ءبىر ايلىق تاجىريبە بولىپ سانالادى.

سونىمەن قاتار ەگەر زەينەتاقى جۇيەسىنە قاتىسۋ ءوتىلى 10 جىل نەمەسە ودان از بولسا نەمەسە مۇلدەم بولماسا، بازالىق زەينەتاقىنىڭ مولشەرى ەڭ تومەنگى كۇنكورىس دەڭگەيىنىڭ 54%-ىن قۇرايدى (2020 جىلى ەڭ تومەنگى كۇنكورىس دەڭگەيى –31183 تەڭگە)، سودان كەيىن 10 جىلدان اسقان ءار جىل ءۇشىن ونىڭ مولشەرى 2%-عا ارتىپ وتىرادى.

مىسالى، قاتىسۋ ءوتىلى 20 جىل بولعان جاعدايدا بازالىق زەينەتاقى ەڭ تومەنگى كۇنكورىس دەڭگەيىنىڭ 74%-ىن، 30 جىل – ەڭ تومەنگى كۇنكورىس دەڭگەيىنىڭ 94%-ىن قۇرايدى. جۇمىس ءوتىلى 33 جىل  جانە ودان دا كوپ بولعان كەزدە، ول ەڭ تومەنگى كۇنكورىس دەڭگەيىنىڭ  100% ماكسيمالدى مولشەرىندە بەلگىلەنەدى.

وسىلايشا، ازاماتتىڭ زەينەتكەرلىك جاسقا جەتكەندەگى بازالىق زەينەتاقى تولەمىنىڭ مولشەرى مىندەتتى زەينەتاقى جارنالارى قانشالىقتى تۇراقتى جانە تولىق تولەنگەنىنە  بايلانىستى بولادى.

ءوز كەزەگىندە جاسىنا بايلانىستى زەينەتاقى تولەمدەرىنىڭ مولشەرى (ىنتىماقتى) 1998 جىلعى 1 قاڭتارداعى جۇمىس وتىلىنە (كەم دەگەندە 6 اي قاجەت) جانە زەينەتكە دەيىنگى كەزەڭدە الىنعان ورتاشا ايلىق تابىسقا بايلانىستى بولادى.

 
سوڭعى جاڭالىقتار

ۇقساس جاڭالىقتار