قازاقستاندا وتكەن جىلى اس تۇزى ەكسپورتىنىڭ كۇرت ءوسۋى تىركەلدى. 11 اي ىشىندە شەت ەلگە 6,3 ملن اقش دوللارى سوماسىنا 85 مىڭ تونناعا جۋىق مينەرال جونەلتىلدى. تاۋاردىڭ باسىم بولىگى رەسەي فەدەراتسياسى مەن قىرعىزستان ەلىنە ساتىلعان.
سالىستىرمالى تۇردە ايتاتىن بولساق, 2018 جىلدىڭ 11 ايىندا ەكسپورتقا 102 مىڭ دوللارعا 3 مىڭ توننا شىعارىلعان ەكەن.
ەستەرىڭىزدە بولسا, وتكەن جىلدىڭ كۇزىندە ينتەرنەتتە قازاقستاندىق تۇزدا بەلگىسىز قوسپالار, ونىڭ ىشىندە شىنى بار دەگەن اقپارات تارالعان ەدى.
ءوندىرۋشى «سلاۆيانوچكا» تۇزىندا تابيعي مينەرالداردان تۇراتىن ەرىمەيتىن تۇنبا بارىن جانە ول ادام اعزاسىنا قاۋىپسىز ەكەنىن مالىمدەپ رەسمي اقپارات بەرگەن.
سونداي-اق ەاەو اۋماعىندا تارالاتىن بارلىق اس تۇزىن تاۋەلسىز اككرەديتاتسياسى بار زەرتحانالار تەكسەرىپ, سايكەستىك دەكلاراتسياسىن بەرىپ وتىرادى.
