اۋە دەسانتشىلارى اسكەرلەرى كۇنى اتاپ وتىلگەن جۇما كۇنى اقتوبەدە وسى سالا جاۋىنگەرلەرىنىڭ ءبىر توبى اراقتىڭ بوتەلكەلەرىن ەسەت باتىر كوشەسىنىڭ بويىنداعى كيوسكىلەر مەن وزدەرىنىڭ باستارىنا ۇرىپ جارعان. بۇل تۋرالى «اكتوبە-تايمس» گازەتى حابارلادى.
«ءبىز تامىزدىڭ ەكىسى كۇنى دوستارىمىزبەن بىرگە «انۆار» دۇكەنىنىڭ جانىنداعى كافەدە وتىر ەدىك, - دەدى گازەت تىلشىسىنە وسى وقيعانى ءوز كورگەندەردىڭ ءبىرى الەكساندر. – ءبىز كافەنىڭ عيمارات ىشىندەگى بولىگىندە بولدىق. ال سىرتتاعى جازعى بولىگىنەن الاباجاق جەيدە مەن بەرەت كيگەن جاۋىنگەرلەر قايتا-قايتا ىشتەگى دارەتحاناعا كەلىپ جاتتى. ءبىز سىرتقا شىعىپ, كەتكەلى جاتقانىمىزدا, دالاداعى اشىق پاۆيلوندا 20 شاقتى اۋە-دەسانت اسكەرلەرى سولداتتارىنىڭ وتىرعاندارىن كوردىك. ولاردى جاستارى ۇلكەندەۋ وردەندى بىرەۋى باسقارىپ ءجۇردى. سول ءوتىپ جاتقان جۇرتتان ءوز جىگىتتەرىنىڭ قىلىقتارى ءۇشىن ۇدايى كەشىرىم سۇراۋمەن بولدى. ال جاۋىنگەرلەر ايتارلىقتاي ماس ەدى. سولاردىڭ ءبىرى بوس بوتەلكەنى ءوزىنىڭ باسىنا ۇرىپ جاردى. ەكىنشى بىرەۋى تاعى ءبىر بوس بوتەلكەنى «انۆار» ماگازينىنىڭ قاسىنداعى كيوسكىگە لاقتىرىپ, كۇل-پارشاسىن شىعاردى. سوسىن ءبىز كەتىپ قالدىق. ودان ارى نە بولعانىن بىلمەيمىز».
شىن مانىندە مەرەكەلەرىن كافەدە تويلاپ بولعاننان كەيىن دەسانتشىلار ماڭگىلىك الاۋعا قاراي قوزعالادى. كورگەندەردىڭ ايتۋلارىنشا, ءبىراز جىگىت ماشينەگە ءمىنىپ الىپ, بۇكىل كوشە بويىنا «ۆدۆ – بۇل كۇش!» دەگەن ايقايعا باسادى. قالعاندارى كوشە بويلاپ جاياۋ تارتقان. بىراق ۇزاققا بارا الماعان. جولاي ءبارىن ءبۇلدىرىپ بارا جاتقان دەسانتشىلاردى پوليتسيا توقتاتادى.
سۇلتان بوزايعىر.
