«2019 جىلدىڭ باسىنان باستاپ ەڭ تومەنگى جالاقى مولشەرى 1,5 ەسەگە – 28-دەن 42,5 مىڭ تەڭگەگە دەيىن ارتتى. بۇل شامامەن 1,3 ميلليون ادامعا, ونىڭ ىشىندە 275 مىڭ ازاماتتىق قىزمەتشىگە تىكەلەي اسەر ەتتى. ماۋسىم ايىنان باستاپ بيۋدجەتتىك سالا قىزمەتكەرلەرىنىڭ جالاقىسى 30%-عا دەيىن ارتتى. 1 ملن-نان استام ازاماتتىق قىزمەتشى جوعارى جالاقى الدى. قىزمەتكەردىڭ ورتاشا جالاقىسى 114,5 مىڭ تەڭگەنى قۇرادى», – دەدى ءبىرجان نۇرىمبەتوۆ.
ول سونداي-اق 2020 جىلدان باستاپ مەملەكەت باسشىسىنىڭ تاپسىرمالارىن ورىنداۋ ماقساتىندا مادەنيەت جانە ارحيۆ قىزمەتكەرلەرىنىڭ, پەداگوگتەردىڭ جانە الەۋمەتتىك قىزمەتكەرلەردىڭ جالاقىسى تاعى دا ورتا ەسەپپەن 30%-عا ارتقانىن اتاپ ءوتتى.
«سونىمەن قاتار 2019 جىلى 205,6 مىڭ جۇمىس بەرۋشى 1,2 ملن-نان استام ەڭبەكاقىسى تومەن قىزمەتكەرلەردىڭ جالاقىسىن ورتا ەسەپپەن 32,7%-عا ارتتىرۋ مىندەتىن ءوز موينىنا الدى. جالاقىنى كوتەرۋ مونيتورينگى ۇنەمى جۇرگىزىلەدى», – دەدى ءبىرجان نۇرىمبەتوۆ.
