قازاقستان • 17 اقپان، 2020

735 مىڭ ادام جۇمىسپەن قامتىلادى - ءبىرجان نۇرىمبەتوۆ

29 رەتكورسەتىلدى

ەڭبەك جانە حالىقتى الەۋمەتتىك قورعاۋ مينيسترلىگى «ەڭبەك» مەملەكەتتىك باعدارلاماسىن ىسكە اسىرۋ شەڭبەرىندە جۇمىسپەن قامتۋعا جاردەمدەسۋ شارالارىمەن قامتۋدى 660-تان 735 مىڭ ادامعا دەيىن ارتتىرۋدى جوسپارلاپ وتىر. بۇل تۋرالى 2019 جىلعى جۇمىس قورىتىندىسى جانە 2020 جىلعا ارنالعان نەگىزگى مىندەتتەر بويىنشا ۆەدومستۆونىڭ القا وتىرىسىندا مينيستر ءبىرجان نۇرىمبەتوۆ مالىمدەدى.

مينيستر ءوز سوزىندە ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسىن جۇزەگە اسىرۋ اياسىندا 2019 جىلى جۇمىسپەن قامتۋعا جاردەمدەسۋدىڭ بەلسەندى شارالارىمەن 660 مىڭ ادام قامتىلعانىن اتاپ ءوتتى. ولاردىڭ 36%-ى – جاستار، جارتىسىنا جۋىعى ايەلدەر جانە 60%-ى اۋىل تۇرعىندارى.

«450 مىڭ ادام جۇمىسقا، ونىڭ 383 مىڭى نەمەسە 85%-ى تۇراقتى جۇمىس ورىندارىنا ورنالاستىرىلدى. 150 مىڭنان استام ادام وقىتىلدى، ونىڭ ىشىندە 75 مىڭ ادام بيزنەس نەگىزدەرىنە وقۋدان ءوتتى. ءوز ءىسىن دامىتۋ ءۇشىن شامامەن 18 مىڭ جەڭىلدەتىلگەن ميكروكرەديت، 40 مىڭنان استام مەملەكەتتىك گرانت بەرىلدى. بۇل 18 مىڭ قوسىمشا جۇمىس ورنىن اشۋعا مۇمكىندىك بەردى. مەملەكەت سۋبسيديالاعان جۇمىس ورىندارىنا 140 مىڭ ادام جۇمىسقا ورنالاستىرىلدى. سولتۇستىك وڭىرلەرگە 9 مىڭنان استام ادام قونىس اۋداردى، ونىڭ 4،5 مىڭى ەڭبەككە قابىلەتتى جاستاعى ادامدار، ولاردىڭ باسىم بولىگى جۇمىسپەن قامتىلعان، بيزنەسىن دامىتىپ، باسقا دا قولداۋ شارالارىن الىپ جاتىر»، – دەدى ءبىرجان نۇرىمبەتوۆ.

سونىمەن قاتار ول «ەڭبەك» مەملەكەتتىك باعدارلاماسىن ىسكە اسىرۋ ەڭبەك نارىعىنىڭ تۇراقتىلىعىنا ىقپال ەتەتىنىن، جۇمىسسىزدىق دەڭگەيى 4،8% - دى قۇرايتىنىن اتاپ ءوتتى. ەگەر وسى باعدارلاما بولماسا، بۇگىنگى تاڭدا جۇمىسسىزدىقتىڭ دەڭگەيى 7،9%-دى قۇرايتىن ەدى. 

«2020 جىلى جۇمىسپەن قامتۋعا جاردەمدەسۋ شارالارىمەن قامتۋدى حالىقتىڭ الەۋمەتتىك جاعىنان وسال توپتارىنىڭ ىشىنەن 735 مىڭ ادامعا دەيىن ارتتىرۋدى جوسپارلاپ وتىرمىز. ءبىز مەملەكەتتىك باعدارلامانىڭ تەتىكتەرىن جەتىلدىردىك. ەندى قىسقا مەرزىمدى وقىتۋ جۇمىس بەرۋشىلەردىڭ وتىنىمدەرى بويىنشا عانا جۇرگىزىلەدى. كوپبالالى جانە تابىسى از وتباسىنان شىققان مەملەكەتتىك باعدارلاما قاتىسۋشىلارىنا 7 جىلعا دەيىنگى مەرزىمگە جىلدىق 4%-دان اسپايتىن مولشەرلەمەمەن جەڭىلدەتىلگەن ميكروكرەديتتەر بەرىلەتىن بولادى. جاستاردى تۇراقتى جۇمىسقا ورنالاستىرۋدىڭ «العاشقى جۇمىس ورنى» جانە «ۇرپاقتار كەلىسىمشارتى» جاڭا تەتىكتەرى ەنگىزىلدى»، – دەدى مينيستر.

حالىقتىڭ، اسىرەسە جاستاردىڭ جۇمىسپەن قامتۋعا جاردەمدەسۋ تەتىكتەرى تۋرالى حاباردارلىعىن ارتتىرۋ ءۇشىن حالىقتى جۇمىسپەن قامتۋ ورتالىقتارىنىڭ جۇمىسى ء«وتىنىم بەرۋ» قاعيداتىنان «پرواكتيۆتى» فورماتقا اۋىتىرىلاتىن بولادى. بۇگىنگى تاڭدا ەلىمىزدىڭ 8 وڭىرىندە 84 ءموبيلدى ورتالىق جۇمىس ىستەۋدە.

«الەۋمەتتىك كاسىپكەرلىكتى دامىتۋدىڭ، ونىڭ ىشىندە تابىسى از جانە كوپبالالى وتباسىلار اراسىندا دامىتۋدىڭ ماڭىزى زور. 2019 جىلى 5 وڭىردە 204 وتباسىن، كوپبالالى جانە تابىسى از وتباسىلاردى قامتيتىن «مەنىڭ كاسىبىم» جوباسىن ىسكە اسىرۋ باستالدى. اعىمداعى جىلى «جاسىل ەكونوميكا» كواليتسياسىمەن بىرلەسكەن جوبانى ىسكە اسىرۋدى جوسپارلاپ وتىرمىز. سەرۆيستىك-وتكىزۋ كووپەراتيۆتەرىن قۇرۋ ءۇشىن جەكە اۋلالارعا، ونىڭ ىشىندە اتاۋلى الەۋمەتتىك كومەك الۋشىلارعا قولداۋ كورسەتىلەتىن بولادى. وڭىرلەر اكىمدىكتەرىنە الەۋمەتتىك كاسىپكەرلىكتى دامىتۋعا ەرەكشە نازار اۋدارۋ قاجەت. بۇل حالىقتىڭ الەۋمەتتىك وسال ساناتتارىن قولداۋ باعىتىنا اينالۋعا ءتيىس»، – دەدى ب.نۇرىمبەتوۆ.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار