قوعام • 17 اقپان، 2020

ج.تۇيمەباەۆ ەتنومادەني بىرلەستىكتەردىڭ جەتەكشىلەرىمەن كەزدەستى

89 رەتكورسەتىلدى

ەلوردالىق دوستىق ۇيىندە قازاقستان حالقى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى جانسەيىت تۇيمەباەۆتىڭ نۇر-سۇلتان قالاسىنىڭ قازاقستان حالقى اسسامبلەياسى حاتشىلىعى مەن قۇرىلىم مۇشەلەرى، ەتنومادەني بىرلەستىكتەردىڭ توراعالارىمەن كەزدەسۋى ءوتتى.

جيىنعا قحا توراعاسىنىڭ ورىنباسارلارى يۋ.كەليگوۆ پەن ش.پۋلاتوۆ، نۇر-سۇلتان ق. اكىمىنىڭ ورىنباسارى ب.ماكەن، قحا مۇشەلەرى مەن ەتنوبىرلەستىكتەردىڭ جەتەكشىلەرى قاتىستى.

كەزدەسۋ بارىسىندا اسسامبلەيا توراعاسىنىڭ ورىنباسارى  مەملەكەتىمىزدىڭ كونستيتۋتسياسى ۇلتى، ءناسىلى، ءدىنى مەن باسقا دا وزگەشەلىكتەرىنە قاراماستان، ءوزىنىڭ بارلىق ازاماتتارىنىڭ مۇددەلەرىن قورعاۋعا كەپىلدىك بەرەتىنىن اتاپ ءوتتى.

قحا ۇلتتىق بىرلىكتىڭ مەملەكەتتىك ساياساتىنىڭ سەنىمدى تىرەگى بولا تۇرىپ، تۇراقتىلىقتى نىعايتۋدا ماڭىزدى ءرول اتقارادى.

جامبىل وبلىسى قورداي اۋدانىنداعى وقيعادا اسسامبلەيا شەت قالماي، كيكىلجىڭدى شۇعىل شەشۋ ءۇشىن العاشقى مينۋتتاردا-اق بىرقاتار جۇمىستار اتقارعان بولاتىن.

ج.تۇيمەباەۆ قىلمىستا ۇلت جوق ەكەندىگىن اتاپ ءوتتى. بارلىق كىنالىلەر زاڭعا سايكەس جاۋاپقا تارتىلادى.

سونىمەن قاتار ول كيكىلجىڭنىڭ سەبەپتەرىنە توقتالا وتىرىپ، مەملەكەتتىڭ اتالعان ماسەلە بويىنشا تولىق تۇسىنىگى مەن ونىڭ شەشۋ الگوريتمىنىڭ بار ەكەندىگىن ايتا كەتتى.

كەزدەسۋ بارىسىندا «بىرلىك كوپتۇرلىلىكتە» ءپرينتسيپى نەگىزىندە قوعامدىق كەلىسىم مەن ۇلتارالىق بىرلىكتى نىعايتۋ، ەتنوسارالىق قاتىناستىڭ نەگىزى رەتىندە – مەملەكەتتىك ءتىلدى ۇيرەنۋ، جالپىۇلتتىق تاريحي سانانىڭ دامۋى جانە تاعى باسقا بويىنشا بىرقاتار مىندەتتەر قويىلدى.

ءوز كەزەگىندە ەتنومادەني بىرلەستىكتەردىڭ جەتەكشىلەرى قازاقستان حالقى اسسامبلەياسىنىڭ بىرىكتىرۋشى رولىنە نازار اۋداردى. قحا باستى مىندەت – ەتنوستاردى ينتەگراتسيالاۋدى ورىنداۋعا جاردەمدەستى. تاۋەلسىزدىك جىلدار بويى بىردە-ءبىر ەتنوس جەكەلەنۋ ستراتەگياسىن تاڭداعان جوق جانە ولاردىڭ بارلىعى بۇدان ءارى دە قازاق حالقىنىڭ ىنتىماقشىلدىعى نەگىزىندە بىرلىك پەن كەلىسىمدى نىعايتۋعا دايىن ەكەندەرىن ءبىلدىردى.

قورىتا كەلە، قحا توراعاسىنىڭ ورىنباسارى ەتنومادەني بىرلەستىكتەردىڭ جەتەكشىلەرىن ارانداتۋشىلىققا جول بەرمەۋگە شاقىردى. ەتنوسارالىق قاتىناستار سالاسىنداعى مەملەكەتتىڭ باعىت-باعدارى مەن ۇستانعان ساياساتى ارى قاراي جالعاسا بەرەدى.

سوڭعى جاڭالىقتار

عاسىر زۇلماتى

قوعام • كەشە

قۇردىم (تورتتاعان)

ادەبيەت • كەشە

جاڭا فورماتتاعى جىر كەشى

رۋحانيات • كەشە

ۇقساس جاڭالىقتار