قوعام • 17 اقپان، 2020

جاس تىلشىلەر ەگەمەندىكتەرمەن جۇزدەستى

40 رەتكورسەتىلدى

ءال-فارابي اتىنداعى قازاق ۇلتتىق ۋنيۆەرسيتەتى جۋرنا­ليس­تيكا فاكۋلتەتىنىڭ ءبىر توپ شاكىرتى «Egemen Qazaqstan» گازەتىنىڭ الماتى بولىمشەسىنە بارىپ، ارنايى تاعىلىمدامادان ءوتتى. بۇل يگى شارا وقۋ ورداسى مەن باس باسىلىم اراسىنداعى مە­موراندۋم اياسىندا جۇزەگە اسىرىلۋدا.

ستۋدەنتتەردى ىرگەلى باسىلىم­نىڭ شاڭىراعىنا فاكۋلتەت دەكانى ساعاتبەك مەدەۋبەك ۇلى جانە فاكۋلتەتتىڭ جەتەكشى ۇستازدارى باستاپ باردى. «ەگەمەننىڭ» ال­ما­تى بولىمشەسىنە جەتەكشىلىك ەتەتىن بەلگىلى جازۋشى جۇسىپ­بەك قورعاسبەك بولاشاق جۋرنا­ليستەردى ماقالا جازۋدىڭ قىر-سىرىنا قانىقتىرىپ، اقپارات بەرۋدىڭ تىڭ تاسىلدەرى تۋرالى اڭگىمەلەدى.

تىلشىلىك تىرشىلىككە بەت العان تالاپكەرلەر ءۇشىن تەو­ريا­لىق ءبىلىم قانشالىقتى ما­ڭىزدى بولسا، ماشىقتانعان مامانداردان تاعىلىم الىپ، كا­سىبي بىلىكتىلىكتەرىن ارتتى­رۋ دا اسا قا­جەت. وسىنى باسا ايتقان جۋرنا­ليستيكا فاكۋل­تەتى ء«باسپا­سوز جا­­نە ەلەك­تروندى باق» كافە­د­­را­­سىنىڭ مەڭگەرۋشىسى گۇلميرا سۇلتانباەۆا بۇل باعىتتاعى رۋحاني بايلانىس جۇيەلى جالعاسسا دەگەن تىلەگىن جەتكىزدى.

جازۋ ماشىعىن تەرەڭ مەڭ­گەرگەن تاجىريبەلى جۋرناليستەر قىزمەت جولىنداعى قىزىقتى ەستەلىكتەرىمەن ءبولىسىپ، ماقالا جازۋدا باسا ءمان بەرەتىن تالاپ­تار مەن زاڭدىلىقتاردى جىپكە ءتىزدى. اسىرەسە، ەكونوميكا، مەدي­تسينا، ساياسات سەكىلدى كۇردەلى تاقىرىپتاردى قاۋزاعاندا نەنى ەسكەرگەن ءجون؟ قاتىپ قال­عان سۇر­­­لەۋدەن ارىلىپ، شىعار­ما­شى­لىق ەركىندىك، تىڭ ستيل قا­لىپتاستىرۋ سىندى ماڭىزدى ماسەلەلەر ەركىن فورماتتا وربى­گەن كەزدەسۋدىڭ وزەگىنە اينالدى. «ەگەمەندىك» جۋرناليستەر ار­مان وكتيابر، ايناش ەسالى، گۇلبارشىن ايتجانبايقىزى ءوز تاجىريبەلەرىمەن ءبولىسىپ، ستۋدەنتتەرگە جان-جاقتى باعىت-باع­دار بەردى.

بۇدان بولەك بولاشاق تىلشى­لەر كوكەيلەرىندەگى ساۋالدارىن جولداپ، ماردىمدى جاۋاپ الدى. الداعى ۋاقىتتا «قا­زاق ءباسپاسوزىنىڭ قاسيەتتى ۇستا­حا­ناسىنا» بالاناتىن اعا باسىلىم مەن تالاي قابىرعالى قا­لام­­گەرلەردى تۇلەتكەن جە­تەكشى فاكۋلتەت اراسىنداعى شىعار­­ماشىلىق بايلانىستار تە­رەڭ­دەي بەرمەك. وسى رەتتە «Egemen Qazaqstan» گازەتىنىڭ الما­تى بولىمشەسىنىڭ قاسىنان جۋر­ناليستيكا فاكۋلتەتىنە قاراستى ء«باسپاسوز جانە ەلەكتروندى باق» كافەدراسىنىڭ فيليالى اشىل­عانىن سۇيىنشىلەپ ايتا كەتكەن ءجون.

 

اڭسات دۇيسەنعالي،

قازۇۋ-ءدىڭ جۋرناليستيكا فاكۋلتەتىنىڭ 1-كۋرس ستۋدەنتى

سوڭعى جاڭالىقتار

ۇقساس جاڭالىقتار