تەننيس • 16 اقپان، 2020

تەننيس: ەلەنا رىباكينانىڭ تاريحي جەتىستىگى

186 رەتكورسەتىلدى

رەسەيدىڭ سانكت-پەتەربۋرگ قالاسىندا ءوتىپ جاتقان جۇلدە قورى 848 000 اقش دوللارىن قۇراعان «WTA Premier» تۋرنيرىندە قازاقستاندىق تەننيسشى ەلەنا رىباكينا ونەر كورسەتۋدە.

باستاپقى باسەكەلەردە چەحيالىق كاتەرينا سينياكوۆا (59 راكەتكا) مەن فرانتسيالىق فيونا فەررودان (58 راكەتكا) باسىم تۇسكەن جەرلەسىمىز شيرەك فينالدا تاعى ءبىر فرانتسۋز ويىنشىسى وسەان دودەننەن (159 راكەتكا) ايلاسىن اسىرعان ەدى.   

جارتىلاي فينالدىق سايستا ەلەنا رىباكينا گرەكيانىڭ وكىلى، WTA رەيتينگىندە 21 ورىندا تۇرعان ماريا ساكارريمەن شەبەرلىك بايقاستى. 1 ساعات 57 مينۋتقا سوزىلعان بۇل باسەكە 3:6، 7:5، 6:1 ەسەبىمەن وتانداسىمىزدىڭ پايداسىنان شەشىلدى. 

وسى جەڭىسىنىڭ ارقاسىندا 20 جاستاعى وتانداسىمىزدىڭ الەمدىك رەيتينگتە 19 ورىنعا كوتەرىلەتىنى انىق. بۇل – قازاقستان تەننيسى تاريحىنداعى ەڭ جوعارى كورسەتكىش بولاتىنى داۋسىز. بۇعان دەيىنگى ەڭ ۇزدىك ناتيجەسىمىز – 25 ورىن ەدى. بۇل كورسەتكشىكە 2012 جىلى ياروسلاۆا شۆەدوۆا جانە بيىل ەلەنا رىباكينا قول جەتكىزدى.

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار