پرەزيدەنت • 16 اقپان، 2020

ق.توقاەۆ: قازاقستاندا پارلامەنتتىڭ كۇشى ارتا تۇسەتىنىنە سەنەمىن

195 رەتكورسەتىلدى

گەرمانيا فەدەراتيۆتى رەسپۋبليكاسىنىڭ ميۋنحەن قالاسىندا ءوتىپ جاتقان 56-شى ميۋنحەن قاۋىپسىزدىك كونفەرەنتسياسىندا مەملەكەت باسشىسى قاسىم-جومارت توقاەۆ «گەوگرافيالىق ورنالاسۋدىڭ ماڭىزى: ورتالىق ازياداعى قازىرگى جاعداي» تاقىرىبىنداعى پىكىرتالاسقا قاتىستى. 

حالىقارالىق قاتىناستار كەڭەسىنىڭ پرەزيدەنتى ريچارد حااستىڭ جەتەكشىلىگىمەن بولعان پىكىرتالاستا قازاقستانداعى ازاماتتىق قوعامنىڭ جايى ءسوز بولدى.

مەملەكەت باسشىسى بۇگىندە ازاماتتىق قوعامدى دامىتۋ ءۇشىن جاڭا جوبالار دايىندالىپ جاتقانىن مالىمدەدى.

«كوپتەگەن باستاما قولعا الىندى. بەيبىت ميتينگ وتكىزۋ مەن ساياسي پارتيالاردى تىركەۋگە قاتىستى جاڭا زاڭ جوبالارى دايىندالىپ جاتىر. مەن مەملەكەتىمدە پرەزيدەنتتىكتىڭ جاقسى ينستيتۋتى قالىپتاسادى دەگەن ويدامىن. سونىمەن بىرگە پارلامەنتتىڭ كۇشى ارتا تۇسەتىنىنە سەنەمىن. وعان قوسا اشىق ءارى ەسەپ بەرەتىن ۇكىمەت قالىپتاستىرۋعا تىرىسامىز» دەدى ول.

پىكىرتالاس كەزىندە تەرروريزم ماسەلەسى مەن قاۋىپسىزدىك سۇراقتارى دا نازاردان تىس قالمادى. اۋعانستان پرەزيدەنتىنىڭ ايتۋىنشا، ەسىرتكى مەن تەرروريزم ۇعىمى ەتەنە بايلانىسقان. بۇل تۇرعىدا قاسىم-جومارت توقاەۆ قازاقستاندا ەسىرتكىگە قاتىستى زاڭداردى كۇشەيتۋ شارالارى تۋرالى ايتتى.

«تەرروريزممەن كۇرەسۋشىلەر قاتارىندا ءبىز دە بارمىز. بىلتىر سيريا مەن يراكتاعى ازاماتتارىمىزدى قايتارۋدى باستادىق.  بىلتىر سيريا مەن يراكتاعى ازاماتتارىمىزدى قايتارۋ بويىنشا 3 ءساتتى وپەراتسيا وتكىزدىك. وسى ورايدا اقش ۇكىمەتىنە كورسەتكەن كومەگى ءۇشىن العىسىمدى بىلدىرگىم كەلەدى» دەدى پرەزيدەنت. 

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار