ايماقتار • 15 اقپان، 2020

قورداي قاقتىعىسىنان 185 ادام زارداپ شەككەن

93 رەتكورسەتىلدى

جامبىل وبلىسىنىڭ اكىمى بەردىبەك ساپارباەۆ قورداي اۋدانىندا جۇمىس ساپارىمەن بولىپ، اۋدانداعى توتەنشە جاعداي سالدارىن جويۋ بويىنشا وبلىستىق شتابتىڭ وتىرىسىن وتكىزدى. جيىنعا جەرگىلىكتى قۇقىق قورعاۋ ورگاندارىنىڭ باسشىلارى قاتىستى.

وبلىستىق شتابتىڭ مالىمەتتەرى بويىنشا، اۋداندا بولعان وقيعا سالدارىنان 185 ازامات زارداپ شەككەن. ولاردىڭ 34-ءى اۋرۋحاناعا جاتقىزىلعان. سونداي-اق، 39 تۇرعىن ءۇي، 20 كوممەرتسيالىق نىسان جانە 47 اۆتوكولىك ورتەنگەن. سونىمەن قاتار، اعىمداعى جىلدىڭ 7-13 اقپان كۇندەرى ارالىعىندا قورداي، قاراسۋ، اۋقاتتى، سورتوبە باقىلاۋ-وتكىزۋ بەكەتتەرى ارقىلى قىرعىز رەسپۋبليكاسىنا بارلىعى 23 131 ادام ءوتىپ،  21 261  ادام كىرگەن. اۋىلداردى تازالاۋ جۇمىستارىنا 250 ادام كۇشى جانە 53 بىرلىك تەحنيكا جۇمىلدىرىلىپ، بارلىعى 680 توننا قۇرىلىس قوقىسى شىعارىلعان.

قازىرگى ۋاقىتتا 55 دۇكەن، 3 ءدارىحانا، 14 جانارماي قۇيۋ بەكەتتەرى جانە 30 باسقا دا كوممەرتسيالىق نىسان تۇراقتى جۇمىس ىستەپ تۇر.

جوعالعان قۇجاتتاردى قالپىنا كەلتىرۋ ءۇشىن سورتوبە اۋىلدىق وكرۋگى اكىمدىگىنىڭ عيماراتىندا حالىققا ءموبيلدى قىزمەت كورسەتۋ ورتالىعى قۇرىلدى. اتالعان ورتالىق ارقىلى كۇنى بۇگىنگە دەيىن تۇرعىندارعا 54 تۋ تۋرالى كۋالىك، 48 جەكە كۋالىك، 1193 بالالارعا ارنالعان انىقتامالىق قاعازدار، 15 جىلجىمايتىن م ۇلىك تۋرالى قۇجات، 8 نەكە تۋرالى كۋالىك، 1 پاسپورت بەرىلگەن. سونىمەن قاتار، 778 زارداپ شەگۋشى وتباسىعا بارلىعى 57،2 توننا بولاتىن العاشقى كەزەكتەگى قاجەتتى زاتتار مەن ازىق-ت ۇلىكتەردەن قۇرالعان گۋمانيتارلىق كومەك كورسەتىلدى. مۇلكى زارداپ شەككەن ازاماتتارعا جالپى سوماسى 3،9 ميلليون تەڭگەنىڭ اقشالاي كومەگى ۇلەستىرىلگەن. سونداي-اق، 17،5 توننا كۇرىش، 40 توننا ۇن، 7 توننا قانت، 500 ليتر وسىمدىك مايى جانە باسقا دا گۋمانيتارلىق كومەكتەر كورسەتىلگەن.

بۇگىنگى تاڭدا اۋداندا تۇراقتى جاعداي ساقتالۋدا، قۇقىقتىق ءتارتىپتى قامتاماسىز ەتۋ بويىنشا ءتيىستى جۇمىستار جالعاسۋدا. وتىرىس قورىتىندىسى بويىنشا بەردىبەك ساپارباەۆ تۇرعىنداردىڭ قاۋىپسىزدىگىن قامتاماسىز ەتۋ، زارداپ شەككەن نىسانداردى، م ۇلىكتى، قۇجاتتاردى قالپىنا كەلتىرۋ جانە ەلدى مەكەندەردەگى قالىپتى تىرشىلىك جاعدايىن قامتاماسىز ەتۋ بويىنشا بىرقاتار تاپسىرمالار بەردى.

جامبىل وبلىسى

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار