قازاقستان • 15 اقپان، 2020

باس پروكۋراتۋرا: قازاقستاندىقتاردىڭ جەكە مالىمەتتەرى تارالىپ جاتقان جوق

34 رەتكورسەتىلدى

باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى كيبەر شابۋىلداردى تالداۋ جانە تەرگەۋ ورتالىعىنىڭ (كشتتو) اقپاراتتىق جۇيەلەردەن دەرەكتەردىڭ شىعۋ تۋرالى حابارلاماسى بويىنشا ءتيىستى تەكسەرۋ جۇرگىزدى. بۇل تۋرالى باس پروكۋراتۋرانىڭ رەسمي سايتىندا جاريالاندى.

اكىمشىلىك قۇقىق بۇزۋشىلىقتار بويىنشا دەرەكتەر ينتەرنەت جەلىسىندە اشىق تۇردە قولجەتىمدى ەمەس ەكەنى انىقتالدى. ارنايى سايكەستەندىرۋسىز جۇيەگە كىرۋ مۇمكىن ەمەس.

سونىمەن قاتار كشتتو-مەن بىرگە جۇيەنىڭ وسالدىعىنا اسەر ەتپەيتىن جانە ساقتالاتىن مالىمەتتەردى قورعاۋ ءۇشىن قاۋىپ توندىرمەيتىن جەكەلەگەن تاۋەكەلدەر انىقتالدى. قازىرگى ۋاقىتتا تەحنيكالىق قاتەلەر جويىلدى.

جالپى، كوميتەت اقپاراتتىق جۇيەلەردى قۇرۋ كەزىندە بارلىق جەكە جانە زاڭدى تۇلعالاردىڭ دەربەس دەرەكتەرىنىڭ ساقتالۋىنا ەرەكشە كوڭىل بولەدى.

وسى ماقساتتا ۆەدومستۆو ءتۇرلى قۇزىرەتتى ۇيىمدارمەن، ونىڭ ىشىندە كشتتو-پەن ىقپالداستىقتى جۇزەگە اسىرادى.

اتاپ ايتقاندا، 2018 جىلى بەكىتىلگەن مەموراندۋمعا سايكەس كشتتو-مەن بىرگە كوميتەتتىڭ اقپاراتتىق جۇيەلەرىن زاڭسىز قول جەتكىزۋ تاۋەكەلدەرىنە تەكسەرۋ جۇرگىزىلدى. قاۋىپ انىقتالعان جوق.

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار