الەم • 14 اقپان، 2020

مەملەكەت باسشىسى ءازىربايجان رەسپۋبليكاسىنىڭ پرەزيدەنتى يلحام اليەۆپەن كەزدەستى

180 رەتكورسەتىلدى

ميۋنحەن قاۋىپسىزدىك كونفەرەنتسياسى قارساڭىندا مەملەكەت باسشىسى قاسىم-جومارت توقاەۆ ءازىربايجان رەسپۋبليكاسىنىڭ پرەزيدەنتى يلحام اليەۆپەن كەزدەستى.

ء«سىزدى ميۋنحەندە كورگەنىمە قۋانىشتىمىن. ءبىز بۇعان دەيىن سوچيدە كەزدەسكەن ەدىك. ەندى ەكى ەل اراسىنداعى بايلانىسقا كەلەر بولساق، شىنىمەن ۇلكەن ىستەر اتقارىلدى. ءبارىن باسىنان باستاۋعا تۋرا كەلدى، بىراق جاقسى جەتىستىكتەرگە قول جەتكىزدىك. بۇل سەرىكتەستىكتىڭ نەگىزىن نۇرسۇلتان نازارباەۆ پەن گەيدار اليەۆ قالاعان بولاتىن. مەن كەزىندە سىرتقى ىستەر ءمينيسترى رەتىندە ونىڭ كۋاسى بولدىم، قاتىستىم دا. قازاقستان ازىربايجانمەن بايلانىسىن جوعارى باعالايدى. اقتاۋ قالاسىندا قول قويىلعان كاسپيدىڭ قۇقىقتىق مارتەبەسى تۋرالى كونۆەنتسيا ۇلكەن ارىپتەستىكتىڭ باستاۋى بولدى دەپ سەنەمىز. وسى مۇمكىندىكتى پايدالانا وتىرىپ، ءسىزدى ءبىزدىڭ ەلگە ساپارلاپ كەلۋگە شاقىرامىن. ءبىز تالقىلايتىن ءارى شەشەتىن كوپ سۇراقتار بار»، دەدى قازاقستان پرەزيدەنتى.
ءازىربايجان رەسپۋبليكاسىنىڭ پرەزيدەنتى يلحام اليەۆ تە بيىلعى جىلدىڭ ەكى ەل ءۇشىن تابىستى بولاتىنىنا سەنەتىنىن ايتتى.
«2020 جىلعى جىل دا ەكى ەلدىڭ بايلانىسى ءۇشىن تابىستى بولادى دەگەن سەنىمدەمىن. تاۋار اينالىمىن ارتتىرۋدى كوزدەپ وتىرمىز، سونداي-اق ترانسپورت، تۋريزم سالاسىنداعى سەرىكتەستىكتىڭ الەۋەتى زور. ەكى ەل اراسىندا حالىقتارىمىزدىڭ تىعىز بايلانىسى ورناعان»، دەدى ي.اليەۆ.
سونىمەن قاتار ول كاسپي تەڭىزىنىڭ قۇقىقتىق مارتەبەسى تۋرالى كونۆەنتسياعا قول قويىلۋى ماڭىزدى وقيعا ەكەنىن، بۇل تۇرعىدا كاسپي جاعالاۋىنداعى ەلدەر ءۇشىن ءتيىمدى نەگىز قالانعانىن اتاپ ءوتتى.
ء«بىزدىڭ باعىتىمىز دۇرىس. ەكى ەل اراسىنداعى باۋىرلاستىق بايلانىس بەكەمدەي تۇسەدى دەپ سەنەمىز»، - دەدى ءازىربايجان پرەزيدەنتى.

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار