تاراپتار قازاقستان مەن ەكونوميكالىق ىنتىماقتاستىق جانە دامۋ ۇيىمى اراسىنداعى بايلانىستاردىڭ قازىرگى احۋالى مەن دامۋ پەرسپەكتيۆالارىن تالقىلادى.
قاسىم-جومارت توقاەۆ قازاقستاننىڭ ەكونوميكالىق ىنتىماقتاستىق جانە دامۋ ۇيىمىنىڭ ستاندارتتارىن ەنگىزۋگە, ساياسي جانە ەكونوميكالىق رەفورمالاردى جۇزەگە اسىرۋ بارىسىندا اتالعان بەدەلدى ۇيىممەن بەلسەندى ىقپالداستىقتى جالعاستىرۋعا باسا ءمان بەرەتىنىن ايتتى.
ەكونوميكالىق ىنتىماقتاستىق جانە دامۋ ۇيىمىنىڭ باس حاتشىسى قازاقستانمەن اراداعى كوپ جىلعى تابىستى ىنتىماقتاستىعىن جوعارى باعالادى. حوسە انحەل گۋرريا قاسىم-جومارت توقاەۆتىڭ بيىلعى 24 قاڭتارداعى قازاقستان ۇكىمەتىنىڭ كەڭەيتىلگەن وتىرىسىندا سويلەگەن سوزىنە ەرەكشە ءمان بەرىپ, وندا ەكونوميكالىق ىنتىماقتاستىق جانە دامۋ ۇيىمىنىڭ ۇسىنىستارى مەن كەڭەستەرى ەسكەرىلگەنىن ايتتى.
