كانادا ۇكىمەت باسشىسىنىڭ ايتۋىنشا, ەسكى شەشىمدەر جاڭا پروبلەمالاردى شەشۋگە جارامسىز. «جاھاندىق سۇراقتاردى شەشۋ ءۇشىن جەكە سەكتورلاردى, ازاماتتىق قوعامدى, ءتىپتى ەسكى سەرىكتەستەرىمىزدى دە بىرىكتىرۋىمىز كەرەك. بۇل جولدا جالعىزدىڭ ءۇنى شىقپايتىنى انىق. ياعني, پروبلەمانى شەشۋ ءۇشىن قولايلى جاعداي مەن تىڭ يدەيالاردى كۇتىپ وتىراتىن ۋاقىت جوق. كانادا بۇل جولداعى جۇمىسىن جالعاستىرا بەرمەك», دەدى.
سونىمەن بىرگە بۇگىندە ءورشي تۇسكەن ساۋدا سوعىسىن توقتاتۋ ماقساتىندا وتتاۆا توبى قۇرىلاتىنىن مالىمدەدى. «كانادا وسىنداي باستاماعا بەل بۋىپ وتىر. بۇل توپتىڭ نەگىزگى ماقساتى ساۋدا قاتىناستارىن جۇيەلەندىرۋ. بۇل ساۋدا سوعىستارىن شەشۋدىڭ ءتيىمدى مەحانيزمدەرىن تابۋعا جول اشادى دەگەن ويدامىز», دەدى د.تريۋدو.
سونىمەن بىرگە الەمدىك ماسەلەلەردى شەشۋدە ءسوز بوستاندىعىنىڭ ماڭىزى تۋرالى اتاپ ءوتتى. «بۇگىندە جۋرناليستەر قاماۋعا الىنادى. بۇل ءسوز بوستاندىعىنىڭ قانداي دەڭگەيدە ەكەنىن كورسەتىپ وتىر. وسى ورايدا ۇلىبريتانيامەن بىرلەسىپ جاعدايدى رەتكە كەلتىرەتىن جاڭا باستاماعا بەل بۋىپ وتىرمىز», دەدى پرەمەر-مينيستر.
سونىمەن قاتار كليماتتىڭ وزگەرۋى دە شەشۋشى ماسەلەلەردىڭ ءبىرى ەكەنىن ەسكە سالدى. كليماتتىڭ وزگەرۋى ادامزات تىرشىلىگىنە, ەكونوميكاعا اسەر ەتەتىنىن دە تىلگە تيەك ەتتى. دجاستين تريۋدو پاريج كەلىسىمىنە قول قويعاندا بەرگەن سوزىنە بەرىك ەكەنىن ايتىپ, ءسوزىن تۇيىندەدى.
ميۋنحەن, گەرمانيا
