جيىندى ميۋنحەن قاۋىپسىزدىك كونفەرەنتسياسىنىڭ باسشىسى, ديپلومات ۆولفگانگ يشينگەر اشتى.
ودان كەيىن ءسوز العان فرگ پرەزيدەنتى فرانك-ۆالتەر شتاينمايەر الەمدە قاۋىپ-قاتەردىڭ كوبەيگەنىن, مەملەكەتتەردىڭ الەمدەگى قاۋىپسىزدىكتى ءوز يدەيالارىنان بيىك قويۋى كەرەگىن ايتتى.
كونفەرەنتسياعا 800-گە جۋىق دەلەگات قاتىسىپ جاتىر. اقپاننىڭ 14-16 كۇندەرى باۆاريا استاناسىندا «ەو مەن ناتو بولاشاعى», «كيبەرقاۋىپسىزدىك», «دەنساۋلىق ساقتاۋ ماسەلەلەرى», «ساۋدا سوعىستارى مەن سانكتسيالار», «جالعان اقپارات, ناسيحات پەن كۇماندى جاڭالىقتار», «قىتاي ءرولى مەن ەو-نىڭ رەسەيمەن جانە اقش-پەن قاتىناسى», «تاياۋ شىعىستاعى احۋال» تاقىرىپتارى تالقىلانباق.
بۇعان دەيىن ايتىپ وتكەنىمىزدەي, قاسىم-جومارت توقاەۆ بيىلعى جيىنعا مەملەكەت باسشىسى رەتىندە ءبىرىنشى رەت قاتىسىپ وتىر. بۇعان دەيىن 2015, 2017, 2018, 2019 جىلدارى سەنات توراعاسى رەتىندە قاتىسقان بولاتىن.
ميۋنحەن, گەرمانيا
