«تۇڭعىش پرەزيدەنت – ەلباسى ن. نازارباەۆتىڭ بەس ينستيتۋتسيونالدىق رەفورماسىن ىسكە اسىرۋ جونىندەگى 100 ناقتى قادام» ۇلت جوسپارىنىڭ جانە قازاقستان رەسپۋبليكاسىنىڭ پرەزيدەنتى ق. توقاەۆتىڭ 2019 جىلعى 2 قىركۇيەكتەگى جولداۋىن ىسكە اسىرۋ بويىنشا جالپىۇلتتىق ءىس-شارالار جوسپارىنىڭ (جۇج) تارماقتارىنىڭ ورىندالۋ بارىسى تۋرالى قازاقستاننىڭ ۇلتتىق ەكونوميكا ءمينيسترى ر. دالەنوۆ, ءبىلىم جانە عىلىم ءمينيسترى ا. ايماعامبەتوۆ, سونداي-اق مادەنيەت جانە سپورت ۆيتسە-ءمينيسترى ە. رامازانوۆ باياندادى.
قازىرگى تاڭدا ۇلت جوسپارىنىڭ 100 قادامىنىڭ 65-ءى ورىندالدى.
بيىل ۇلتتىق جوسپارىنىڭ 10 قادامىن ورىنداۋ جوسپارلانعان, اتاپ ايتساق: كەدەن جانە سالىق جۇيەلەرىن رەفورمالاۋ جانە ينتەگراتسيالاۋ, كاسىپتىك-تەحنيكالىق جانە جوعارى ءبىلىم بەرۋ جۇيەسىن جەتىلدىرۋ, جول-كولىك ينفراقۇرىلىمى مەن ەنەرگيا ۇنەمدەۋ سالالارىنا ستراتەگيالىق ينۆەستورلاردى تارتۋ, جەكە مەديتسينانى دامىتۋ جانە مەديتسينالىق مەكەمەلەردە كورپوراتيۆتىك باسقارۋدى ەنگىزۋ, مەملەكەتتىك فۋنكتسيالاردى باسەكەلەستىك ورتاعا بەرۋ, مەملەكەتتىك ورگاندار مەن اكىمدىكتەر جانىنداعى قوعامدىق كەڭەستەردىڭ ءرولىن كۇشەيتۋ.
ۇكىمەت باسشىسى ۇلت جوسپارى مەن قازاقستان پرەزيدەنتىنىڭ 2019 جىلعى 2 قىركۇيەكتەگى جولداۋىن تولىق ءارى ساپالى جۇزەگە اسىرۋ بويىنشا بەلسەندى جۇمىستى جالعاستىرۋدى تاپسىردى.
ينۆەستيتسيالار تارتۋ كولەمىن ارتتىرۋ, ينۆەستيتسيالىق احۋالدى جەتىلدىرۋ جانە ەكسپورتتى ىنتالاندىرۋ, مەملەكەتتىك باسقارۋ رەفورماسىن جۇرگىزۋ, ونىڭ ىشىندە مەملەكەتتىك قىزمەتكەرلەر مەن كۆازيمەملەكەتتىك سەكتور قىزمەتكەرلەرىنىڭ سانىن وڭتايلاندىرۋ, سالىق جۇيەسىن جاڭعىرتۋ, ساپاسىز ءبىلىم بەرەتىن جوعارى وقۋ ورىندارىنىڭ قىزمەتىن توقتاتۋ, دەنە شىنىقتىرۋ مەن بۇقارالىق سپورتتى دامىتۋ جانە ت. ب. جونىندەگى جۇج تارماقتارىنا ەرەكشە كوڭىل ءبولىندى.
