ايماقتار • 14 اقپان، 2020

شىمكەنتتە شەتەلدىك ينۆەستورلاردىڭ قاتىسۋىمەن 15 جوبا جۇزەگە اسىرىلادى

75 رەتكورسەتىلدى

بۇگىن شىمكەنت قالاسىنىڭ اكىمى مۇرات ايتەنوۆ وتكەن جىلدى قورىتىندىلاپ، حالىق الدىندا ەسەپ بەردى. «تۇركىستان» سارايىندا وتكەن ەسەپتى كەزدەسۋدە اكىم 2019 جىلى قالانىڭ ەكونوميكالىق جانە الەۋمەتتىك سالالارىندا اتقارىلعان جۇمىستارعا توقتالىپ، الداعى جىلدا ىسكە اسىرىلاتىن جۇمىس جوسپارلارى تۋرالى باياندادى.

ەسەپتى جيىنعا قاتىسقان ءبىر مىڭنان استام تۇرعىننان بولەك، شىمكەنتتىكتەر قالا باسشىسىنىڭ ەسەبىن قالا اكىمدىگىنىڭ رەسمي سايتى مەن الەۋمەتتىك جەلىدەگى facebook پاراقشاسىندا جۇرگەن تىكەلەي ەفير ارقىلى دا تىڭدادى.

وتكەن جىلى قالادا ءبىرشاما جۇمىستار اتقارىلعانىن ايتقان قالا اكىمى جوسپارلى ينديكاتورلارعا قول جەتكىزىلگەنىنە توقتالىپ ءوتتى. ماسەلەن، ونەركاسىپ ءونىمى 2018 جىلمەن سالىستىرعاندا 15 پايىزعا وسسە، اۋىل شارۋاشىلىق ءونىمى 6،3 پايىزعا، جاڭا تۇرعىن ۇيلەر 19،2 پايىزعا، ال، بولشەك ساۋدا 7،1 پايىزعا ارتقان.

«رەسپۋبليكا بويىنشا يندۋستريالدى-يننوۆاتسيالىق دامۋ باعدارلاماسى ىسكە اسىرىلۋدا. باعدارلاما اياسىندا شىمكەنتتە 3 جىلدا  24 كاسىپورىن اشىلىپ، 1300 تۇراقتى جۇمىس ورنى پايدا بولدى. ال، وتكەن جىلى «اليانس» كومپانياسىنىڭ جىپ ءيىرۋ فابريكاسى قايتا ىسكە قوسىلدى. ول بىرنەشە جىلدان بەرى توقتاپ تۇرعان ەدى. قالادا 2 يندۋستريالدى ايماق ءتيىمدى جۇمىس ىستەۋدە. قازىرگى تاڭدا، 64 ملرد.تەڭگە ينۆەستيتسيالار تارتىلىپ، 72 جوبا ىسكە قوسىلدى. وسىنىڭ ەسەبىنەن 4 مىڭنان استام ادام جۇمىسپەن قامتىلىپ، بيۋدجەتكە 13،4 ملرد.تەڭگە سالىق ءتۇستى» دەدى م.ايتەنوۆ.

ءوز بايانداماسىندا مۇرات دۇيسەنبەك ۇلى الداعى 3 جىلدا شەتەلدىك ينۆەستورلاردىڭ قاتىسۋىمەن كەمىندە 15 جوبا ىسكە اسىرىلىپ، وعان 2،5 ملرد. اقش دوللارى كولەمىندە شەتەلدىك ينۆەستيتسيا تارتىلاتىنىنا توقتالىپ ءوتتى. ناتيجەسىندە  2 مىڭنان استام تۇرعىن جۇمىسپەن قامتىلاتىن بولادى. اۋىلشارۋاشىلىعى سالاسىندا اتقارىلعان جۇمىستارعا توقتالعان اكىم وتكەن جىلى اتالعان سالامەن 29 ملرد.تەڭگەنىڭ ءونىمى وندىرىلگەنىن ءمالىم ەتتى. ونىڭ ايتۋىنشا، سالاعا سوڭعى 3 جىلدا 2،6 ملرد. تەڭگە ينۆەستيتسيا سالىنىپ، 56 گەكتار جەرگە جىلىجاي جانە 215 گەكتار جەرگە قارقىندى باۋ ەگىلگەن. ال، ەتكە 24 مىڭ باس ءىرى قارا بورداقىلانىپ، 111 جانۇيالىق سۇت فەرماسى اشىلعان. بۇل ماقساتقا بيۋدجەتتەن 3 ملرد.تەڭگە سۋبسيديا تولەنگەن.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار