22 جاستاعى قازاق بوكسشىسى 12 ناۋرىزدا كانادانىڭ مونرەال قالاسىندا ماريو البەرتو لوسانومەن كۇش سىناسادى. 32 جاستاعى مەكسيكانىڭ سپورتشىسى 2005 جىلدان بەرى كاسىپقوي رينگتە جۇدىرىقتاسىپ ءجۇر. سول كەزدەن بەرى 43 جەكپە-جەك وتكىزىپ, 33 رەت جەڭىسكە جەتتى. 24 قارسىلاسىن نوكاۋتپەن ۇتتى.
جاستار بۋىنى اراسىنداعى جارىستاردا جاسىنداي جارقىراپ, الەم جانە قۇرلىق بىرىنشىلىكتەرىندە قارسىلاس شىداتپاعان سادريددين احمەتوۆ كاسىپقوي رينگتە 11 كەزدەسۋ وتكىزىپ, بارلىعىندا جەڭىسكە جەتتى. 10 باسەكەنى ول مەرزىمىنەن بۇرىن اياقتادى.
