وسىعان وراي «سلوۆان» كلۋبى ايتۋلى حوككەيشىگە قۇرمەت كورسەتىپ, ارنايى شوۋ ۇيىمداستىردى. راسىندا دا سەن-پەردىڭ سلوۆاكيالىق كومانداعا سىڭىرگەن ەڭبەگى زور. ول وسى كلۋب ساپىندا 28 ماتچ وتكىزىپ, 23 (7 گول+16 پاس) ۇپاي جيدى.
36 جاستاعى كانادانىڭ تۋماسى كەزىندە ۇلتتىق حوككەي ليگاسىندا (ۇحل) ونەر كورسەتكەنىن جانكۇيەرلەر جاقسى بىلەدى. ءار جىلدارى «چيكاگو», «بوستون», «وتتاۆۋ» جانە «مونرەالدىڭ» ساپىندا وينادى. ودان بولەك, رەسەي, فينليانديا, اۆستريا, شۆەيتساريا, حورۆاتيا جانە قىتاي كلۋبتارىنىڭ نامىسىن قورعادى.
2015-2018 جىلدار ارالىعىندا مارتين سەن-پەر نۇر-سۇلتاننىڭ «بارىسىنىڭ» جەيدەسىن كيدى. ءبىزدىڭ كوماندا ساپىندا ونەر كورسەتكەن جىلدارى 144 كەزدەسۋ وتكىزىپ, 85 (27+58) ۇپاي جيدى.
كانادانىڭ تۋماسى 2017 جىلى قازاقستاننىڭ ازاماتتىعىن الىپ, ۇلتتىق كوماندامىزدىڭ ساپىندا 12 كەزدەسۋ وتكىزدى. سول ارالىقتا ءبىر گول سوعىپ, جەتى رەت ناتيجەلى پاس بەردى.
