توتەنشە جاعدايلار دەپارتامەنتى ەلوردا تۇرعىندارى مەن قوناقتارىنا قالا سىرتىنا ساپار جاساماۋدى, جول ەرەجەسىن ساقتاپ, اۋا رايىنىڭ وزگەرۋى مەن ەنگىزىلگەن شەكتەۋلەر تۋرالى اقپاراتتى قاداعالاۋدى ۇسىنادى. جولدىڭ جابىلۋى تۋرالى اقپاراتتى «112» قىزمەتى «Smart Astana» قوسىمشاسى ارقىلى حابارلايدى, سونداي-اق ازاماتتار ەنگىزىلگەن شەكتەۋلەر جايلى «Darmen» قوسىمشاسى ارقىلى بىلە الادى.
قوسىمشانى Playmarket نەمەسە Appstore ارقىلى تەگىن كوشىرىپ الۋعا مۇمكىندىك جاسالعان. قازگيدرومەت دەرەكتەرى بويىنشا 14 اقپان كۇنى ەلوردادا اۋا رايى قۇبىلمالى, كۇننىڭ ەكىنشى جارتىسىندا قار جاۋى ىقتيمال. جەل وڭتۇستىك-باتىستان 9-14 م/س جىلدامدىقتا ۇيىتقيدى.
قۇتقارۋشىلار استانالىقتارعا بوراننىڭ باسىلۋىن عيماراتتا كۇتۋدى ەسكەرتەدى. ەگەر ازامات جولدا بولسا, وندا تەك تاس جولدىڭ بويىمەن قوزعالۋى شارت. كولىكتەن شىققان كەزدە ودان ۇزاق قاشىقتىقتا كەتپەۋ ۇسىنىلادى.
اقاۋ شىعىپ نەمەسە جولدىڭ كورىنۋى ناشارلاعاندا تاس جولدىڭ جيەگىندە توقتاپ, دابىل بەلگىسىن بەرۋ كەرەك جانە كاپوتتى كوتەرىپ, انتەنناعا كوزگە تۇسەتىن اشىق ءتۇستى ماتانى ىلگەننەن سوڭ, اۆتوكولىكتىڭ ىشىندە وتىرىپ كومەكتى كۇتۋى قاجەت. توتەنشە جاعداي تۋىنداعان كەزدە «112» تەلەفونىنا قوڭىراۋ شالۋ كەرەكتىگىن ايتا كەتكەن ءجون.
