12 اقپان كۇنى قازاقستان رەسپۋبليكاسىنىڭ قورعانىس ءمينيسترى اسكەري ستراتەگيالىق ورتالىققا باردى. ول قازاقستان رەسپۋبليكاسىنىڭ قورعانىس سالاسىنداعى عىلىمي-تەحنيكالىق الەۋەتىن دامىتۋعا باعىتتالادى. ورتالىق 2018 جىلدىڭ قورىتىندىسى بويىنشا ەۋرازيانىڭ جەتەكشى ورتالىقتارىنىڭ قاتارىندا 17 ورىندى يەلەندى, قازاقستان رەسپۋبليكاسىنىڭ ۇلتتىق ساراپتاما كوميسسياسىنىڭ باعالاۋى بويىنشا «2018 جىلدىڭ قازاقستانداعى ۇزدىك كاسىپورنى» اتالىمىنا يە بولدى. قازىرگى تاڭدا ورتالىق 16 ورىندا.
ورتالىقتىڭ جۇمىس اتقارۋدى باستاعاننان بەرى 100-دەن استام عىلىمي-زەرتتەۋ تاجىريبەلىك-قۇرىلىمدىق جۇمىستار, نورماتيۆتىك-قۇقىقتىق اكتىلەردىڭ 6 جوباسى (پرەزيدەنت جارلىقتارى, قازاقستان رەسپۋبليكاسىنىڭ ۇكىمەتىنىڭ قاۋلىلارى), قازاقستان رەسپۋبليكاسىنىڭ تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتى ءۇشىن 26 وقۋ قۇرالى, 41 اسكەري ستاندارتتار دايىندالدى.
قورعانىس ءمينيسترى نۇرلان ەرمەكباەۆ اسكەري-عىلىمي قىزمەتىنە قاتىستى سۇراقتار بويىنشا جينالىس وتكىزىپ, 2020 جىلعا ارنالعان ء«ۇاسزو» اق-نىڭ پرەزيدەنتى قوزى-كورپەش قاربوزوۆتىڭ بايانداماسىن تىڭدادى.
«اسكەري-ستراتەگيالىق زەرتتەۋلەر ورتالىعى» اسكەري قاۋىپسىزدىك سالاسىندا تالداۋ مەن ستراتەگيالىق زەرتتەۋلەردىڭ ماڭىزدى بولشەگى بولىپ تابىلادى. زەرتتەۋشىلەر اسكەري قاۋىپسىزدىك ماسەلەلەرىن ەكونوميكالىق, اقپاراتتىق جانە باسقا دا اسپەكتىلەرمەن بىرگە كەشەندى زەرتتەۋگە مۇمكىندىگى بار», اتاپ ءوتتى ۆەدومستۆو باسشىسى.
بۇدان وزگە, مينيستر قم قۇرىلىمدىق بولىمشەلەرىمەن ءوزارا ءىس-قيمىل تەتىكتەرىن ورناتۋعا قاتىستى بىرقاتار تاپسىرما بەردى.
