قار تازالاۋ قارقىندى جۇرگىزىلدى

نۇر-سۇلتان قالاسىنداعى وبەكتىلەردىڭ ۇزدىكسىز جۇمىس ىستەۋىنە كىرمە جولداردىڭ قار­دان ۋاقىتىلى تازارتىلىپ وتىرۋى سەپتىگىن تيگىزدى. كىرمە جولدار – جەرگىلىكتى تەمىرجول ينفراقۇرىلىمىنىڭ باستى قۇرامى بولىپ تابىلادى.

«كولىكتىك سەرۆيس ورتالىعى» اق-نىڭ اقپاراتى بويىنشا وسى كۇندەرى تەك استانادا عا­نا كىرمە جولداردى قاردان تازالاۋ بارىسىندا 20 مىڭ تەك­شە مەتر قار شىعارىلدى. جال­پى قازاقستان بويىنشا وسى ۋا­قىتتا ارنايى تەحنيكانىڭ 100-گە جۋىق تاسىمالى, 100 شاقىرىمعا جۋىق كىرمە جولداردىڭ تازا­لانۋى قامتاماسىز ەتىلدى دەپ حا­بارلايدى ەلىمىزدەگى كىرمە جول­داردىڭ نەگىزگى تارماعىنا يە جاۋاپتى كاسىپورىن ماماندارى.

«قاراعاندى ايماعىندا كىر­مە جولداردى قاردان ساپالى تازالاۋ جانە ۋاقىتىلى شىعارۋ بويىنشا ءبىز ماگيسترالدى تەمىرجول جەلىسى وبەكتىلەرىنەن كەم تۇسكەن جوقپىز. ۇقساس جاع­داي اقمولا جول ءبولىمىنىڭ ءتۇ­يىسۋ ستانسالارىندا كورىنىس الدى, كىرمە جولداردان 40 مىڭ تەكشە مەتر قار شىعارىلدى. بۇل رەتتە, اقمولا جول ءبولىمى ار­قىلى ەلىمىزدىڭ باستى كولىك ارتەرياسى وتەتىنىن اتاپ ايتقان ءجون», دەيدى «كولىكتىك سەرۆيس ورتالىعى» اق-نىڭ سولتۇستىك ايماقتىق بولىمشەسىنىڭ ديرەكتورى الكەي اسىلبەك.

ونىڭ ايتۋى بويىنشا, كىرمە جولدارداعى قار تازالاۋ جانە سۋ باسىپ قالۋدىڭ ال­دىن الۋ جۇمىستارى ءالى دە جالعاسۋدا.

ايزەرە سامارقان