تاراپتار ددۇ اياسىندا دەنساۋلىق ساقتاۋ سالاسى بويىنشا تۇراقتى دامۋ ماقساتتارىنا جەتۋدىڭ, سونىڭ ىشىندە, انا مەن بالا ءولىمىن قىسقارتۋ, ءتۇرلى قاتەرلى اۋرۋلارمەن كۇرەستىڭ وزەكتى ماسەلەلەرىن تالقىلادى.
ءماجىلىس توراعاسىنىڭ پىكىرىنشە, حالىق دەنساۋلىعىن قورعاۋ الەم ەلدەرىنە ورتاق ماسەلە. وسى جولدا قازاقستان 30 جىلعا جۋىق ددۇ-مەن ەتەنە ىنتىماقتاستىق ورناتىپ كەلەدى. اسىرەسە, العاشقى مەديتسينالىق-سانيتارلىق كومەك باعىتىندا سىندارلى قاتىناس ورناعان. ن.نىعماتۋلين 2014 جىلى الماتىدا ددۇ-نىڭ گەوگرافيالىق جاعىنان شالعايداعى مەديتسينالىق-سانيتارلىق كومەك جونىندەگى كەڭسەسى اشىلعانىن العا تارتا كەلىپ, 1978 جىلى اتالعان كومەك بويىنشا الماتى دەكلاراتسياسى قازاقستاندا قابىلدانعانىن ەسكە سالدى. وسىنىڭ بارلىعى ءبىزدىڭ ەلىمىزدىڭ العاشقى مەديتسينالىق-سانيتارلىق كومەكتى دامىتۋ سالاسىنداعى تۇراقتى ساياساتىنىڭ كورسەتكىشى. قازاقستانداعى الماتى كەڭسەسى جۇمىسىنىڭ ناتيجەسىندە بۇگىندە قازاقستاندا, جالپى ايماق كولەمىندە ۇزدىك تەحنولوگيالار ەنگىزىلىپ, دەنساۋلىق ساقتاۋ قىزمەتكەرلەرىنىڭ كاسىبيلىگىن ارتتىرۋ قولعا الىنۋدا.
ءماجىلىس توراعاسى قازىرگى ۋاقىتتا ءماجىلىسى قاراۋىندا بۇكىل قوعام بولىپ تالقىلاپ جاتقان جاڭا دەنساۋلىق كودەكسى بويىنشا بەلسەندى جۇمىس اتقارىلىپ جاتقانىن ايتا كەلىپ, بۇگىنگى ناقتى جاعدايلار مەن تۇراقتى وزگەرىستەر كەزەڭىندە تۇرعىنداردىڭ دەنساۋلىعىن كۇشەيتۋ ءۇشىن جاڭا مۇمكىندىكتەرگە جول اشۋىمىز كەرەك. دەنساۋلىق ماسەلەسىنە قاتىستى بارلىق ماسەلەلەر ارقاشاندا ءماجىلىس جۇمىسىنىڭ باسىم باعىتتارىنىڭ ءبىرى, – دەدى.
ءوز كەزەگىندە حانس كليۋگە دەنساۋلىق سالاسىن ىلگەرىلەتۋدە قازاقستاننىڭ الەۋەتى مەن باسىمدىقتارى زور ەكەنىن اتاپ ءوتتى. مەيماننىڭ ايتۋىنشا, قازاقستان العاشقى مەديتسينالىق-سانيتارلىق كومەك دۇنيەگە كەلگەن جەر دەۋگە بولادى. ح.كليۋگە مىرزا, ءبىزدىڭ ەلىمىزدىڭ الەۋمەتتىك-ەكونوميكالىق تابىستارىنا ءتانتى ەكەنىن جەتكىزىپ, الداعى ۋاقىتتا قول قويىلعان ارنايى كەلىسىم بويىنشا دەنساۋلىق سالاسىنا زامانعا ساي جاڭالىقتار ەنگىزۋ, سونىڭ ىشىندە تسيفرلاندىرۋ باعىتىندا بىرلەسە, بەلسەندى جۇمىس اتقاراتىنىن اتاپ ءوتتى.
ن.نىعماتۋلين ددۇ وكىلىنىڭ مول تاجىريبەسى تەك ەۋروپا ايماعىندا عانا ەمەس, جالپى الەم ەلدەرىن ورتاق ماقسات جولىندا بىرىكتىرۋگە ىقپال ەتەتىنىنە سەنىم ءبىلدىردى, دەپ حابارلادى پارلامەنت ءماجىلىسىنىڭ ءباسپاسوز قىزمەتى.
