كەلىسىمگە قول قويۋ – ەكى مەكەمە اراسىندا بۇرىننان قالىپتاسقان ىنتىماقتاستىقتىڭ قيسىندى جالعاسى.
– ەلباسى كىتاپحاناسى اشىلعالى بەرى سەرىكتەستىك قاتىناستاردى دامىتۋعا باعىتتالعان بىرقاتار مەموراندۋمعا قول قويىلدى. وسىنداي قىزمەت ءتۇرى ەكى جاققا ۇتىمدى جوبالار مەن باعدارلامالاردى ازىرلەۋگە جانە ىسكە اسىرۋعا مۇمكىندىك بەرەدى. ەلباسى كىتاپحاناسىنىڭ عىلىمي ءبىلىم بەرۋ جوبالارى قازاقستان رەسپۋبليكاسى تۇڭعىش پرەزيدەنتىنىڭ تۇجىرىمدامالىق يدەيالارى مەن جاھاندىق باستامالارىن, جاستار جوبالارىن جۇزەگە اسىرۋ ارقىلى «قازاقستاندىق جول» ەرەكشەلىكتەرىن, «ماڭگىلىك ەل» ۇلتتىق يدەياسىن, ەلباسىنىڭ باعدارلامالىق قۇجاتتارى مەن ماقالالارىن زەردەلەۋگە باعىتتالعان. ءبىز قوعامدىق-ساياسي كۇن تارتىبىمەن ۇندەسۋ ماقساتىندا سەمينار-ترەنينگتەر تاقىرىبىن جىل سايىن جانداندىرىپ وتىرامىز, – دەدى كەزدەسۋدى اشقان قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ ديرەكتورى ءامىرحان راحىمجانوۆ.
قۇقىق قورعاۋ ورگاندارى اكادەمياسىنىڭ رەكتورى ەرعالي مەرزادينوۆ ەلباسى كىتاپحاناسى وسكەلەڭ ۇرپاقتى تاربيەلەۋگە ۇلكەن ۇلەس قوسىپ جاتقانىن جانە اكادەميا تىڭداۋشىلارى كىتاپحانانىڭ ءبىلىم بەرۋ باعدارلامالارىنىڭ بەلسەندى قاتىسۋشىلارى ەكەنىن اتاپ ءوتتى.
قول جەتكىزىلگەن كەلىسىمدەردىڭ ماڭىزدىلىعىنا توقتالعان ە.مەرزادينوۆ پەن ءا.راحىمجانوۆ قالىپتاسقان ارىپتەستىك قارىم-قاتىناستاردىڭ سيپاتى مەن ساپاسىنىڭ قاناعاتتانارلىق ەكەنىن, قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.ءا.نازارباەۆتىڭ يدەيالارى مەن باستامالارىن ىلگەرىلەتۋگە باعىتتالعان ىنتىماقتاستىقتىڭ باسقا دا پەرسپەكتيۆالىق باعىتتارىن جۇزەگە اسىرۋعا جانە جاستار ساياساتىن دامىتۋ سالاسىنداعى ءوزارا ءىس-قيمىلعا دايىن ەكەندىكتەرىن ءبىلدىردى.
تاراپتار ەلىمىزدىڭ قالىپتاسۋى جانە دامۋ تاريحىن زەرتتەۋ بويىنشا بىرلەسكەن مادەني-ءبىلىم بەرۋ, شىعارماشىلىق جانە عىلىمي-زەرتتەۋ جوبالارىن جۇرگىزۋگە ۋاعدالاستى. ەكى جاق قازاقستاندىق قوعامدى جان-جاقتى جاڭعىرتۋ جاعدايىندا كوزدەگەن ماقساتتاردى جۇزەگە اسىرۋ بويىنشا بىرلەسكەن كۇش-جىگەردى جۇمىلدىرۋدىڭ, بىرلەسكەن ءبىلىم بەرۋ جانە قوعامدىق باسىمدىققا يە ءىس-شارالاردى وتكىزۋدىڭ ماڭىزدىلىعى جونىندە ورتاق پىكىرگە كەلدى.
ەلباسى كىتاپحاناسىنا كەلۋ بارىسىندا قۇقىق قورعاۋ ورگاندارى اكادەمياسىنىڭ رەكتورى «بولاشاققا جول وزىڭنەن باستالادى» سەمينار-ترەنينگىنىڭ قاتىسۋشىلارى – ءال-فارابي اتىنداعى قازۇۋ مەن ل.ن. گۋميلەۆ اتىنداعى ەۇۋ ستۋدەنتتەرىمەن كەزدەستى. ول جاستارعا اكادەميانىڭ قىزمەتى مەن وقۋعا ءتۇسۋ شارتتارى تۋرالى ايتىپ بەردى, قويىلعان سۇراقتارعا جاۋاپ بەردى.
ەلباسى كىتاپحاناسىنان ەستەلىك رەتىندە قوناققا «نۇرسۇلتان نازارباەۆ. بيوگرافيا» كىتابى مەن ء«بىز بىلەتىن ەلباسى» كىتابىنىڭ ءۇش تومدىعى تارتۋ ەتىلدى.
