بيىل ەكسپوزيتسياعا رەكوردتىق كورسەتكىشتە الەمنىڭ 70 ەلىنەن 2600 قاتىسۋشى, ونىڭ ىشىندە قازاقستاننان 24-ى كەلگەن. ولاردىڭ قاتارىندا ورتالىق ازياداعى ەڭ ءىرى بالمۇزداق ءوندىرۋشى جانە قازاقستاندىق بالمۇزداقتى شەتەل نارىعىنا العاشقى ەكسپورتتاۋشى «شين-لاين», «بايان سۇلۋ» كونديتەرلىك فابريكاسى, الكوگول ءونىمىن ءوندىرۋشى «باحۋس» جانە «الماتى ستەكلو» شىنىتارانى دەكوراتسيالاۋ جانە ءوندىرۋ جونىندەگى كومپانياسى بار.
كورمە رەسەي, تمد جانە ەۋرازيالىق وداق ەلدەرى ازىق-ت ۇلىك سالاسىنىڭ ستراتەگيالىق تاپسىرىس بەرۋشىلەرىن, ساتىپ الۋشىلارىن جينايدى. قازاقستان كومپانيالارى ستەندتەرمەن تانىستىرىلعان جانە ولار ازىق-ت ۇلىك جانە تەحنولوگيالار نارىعىن دامىتۋدىڭ نەگىزگى باعىتتارىن انىقتاۋعا, سونداي-اق بيزنەس-سەرىكتەستەرمەن كەلىسىمدەر جاساۋعا مۇمكىندىك بەرەتىن مازمۇندى ىسكەرلىك باعدارلاماعا بەلسەندى قاتىسادى.
«پرودەكسپو» كورمەسى ساتۋدى ۇلعايتۋدىڭ ارناسى رەتىندە تەك رەسەي نارىعىندا عانا ەمەس, جاڭا نارىقتاردى ىزدەۋ ءۇشىن دە ماڭىزدى بولىپ تابىلادى. ءبىزدىڭ كومپانيانىڭ برەندتەرى رەسەيدە تانىلىپ ۇلگەرگەن, ءىرى قالالارىندا «بومبا», «ميشكا نا پوليۋسە» بالمۇزداعىمەن كوپشىلىككە تانىس. رەسەيلىكتەردىڭ اراسىندا شىعىس تاتتىلەرىنىڭ ءدامى بار «باحروما» بالمۇزداعىنىڭ تانىمالدىعىن ەرەكشە اتاپ وتكەن ءجون», — دەدى «شين-لاين» كومپانيالار توبىنىڭ پرەزيدەنتى اندرەي شين.
