مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسى «اتا-بابا مۇراسى» تسيكلى بويىنشا تۇسىرگەن دەرەكتى فيلمدە كەڭەس وداعىنداعى ات سپورتىنىڭ اڭىزىنا اينالعان, 1952 جىلى جامبىل وبلىسىنىڭ قازىرگى ت.رىسقۇلوۆ اۋدانىندا ورنالاسقان لۋگوۆوە فەرماسىندا دۇنيەگە كەلگەن اقالتەكە ايعىرى – ابسەنت تۋرالى جانە بۇگىنگى قازاقستانداعى ات سپورتىنىڭ مۇمكىندىكتەرى باياندالادى.
كارتينانىڭ باستى كەيىپكەرى, اتاقتى سپورتشى الەكساندر تيشكوۆ 35 جىلدان استام ات سپورتىمەن اينالىسادى. بەلگىلى ءبىر جاعدايلارعا بايلانىستى, ول ابسەنتپەن قوشتاسۋعا ءماجبۇر بولادى. بىراق, ول, ەشتەڭەگە قاراماستان ءوز ىسىنەن باس تارتپاي ادال بولىپ قالدى. بىلتىرعى جىلدىڭ قىركۇيەك ايىندا الەكساندر تيشكوۆ دوس فانتوم دەگەن تۇلپاردى جارىسقا باپتاپ, بولاشاققا ۇلكەن جوسپارلار قۇرۋدا.
- ەرتە زاماننان بەرى قازاقتار شاباندوز بولعان. حالقىمىز ءاردايىم جىلقىنى قاستەرلەگەن. قازاقستان رەسپۋبليكاسىنىڭ مەملەكەتتىك ەلتاڭباسىندا دا شاڭىراقتىڭ ەكى جاعىندا ەكى پىراقتىڭ تۇرۋى كەزدەيسوق ەمەس. ابسەنتتىڭ جەتىستىگىن قايتالاۋ, ارينە, وڭاي ەمەس, بىراق وزىڭىزگە دۇرىس ماقسات قويساڭىز, كەز-كەلگەن بيىكتەرگە جەتۋگە بولادى. ءتۇسىرىلىم باسىندا ءفيلمنىڭ كەيىپكەرلەرىنىڭ ءبىرى نۇريلا تۇرىسبەكوۆا ات سپورتىنىڭ حالىقارالىق شەبەرى بولعىسى كەلەتىنىن مالىمدەدى. ونىڭ تىلەگى مەن تاباندىلىعى بۇل ارمانىن فيلمدەگى جۇمىسىمىز اياقتالعانشا جۇزەگە اسىرۋعا مۇمكىندىك بەردى, - دەدى ءفيلمنىڭ رەجيسسەرى بانۋ رامازانوۆا.
دەرەكتى ءفيلمنىڭ ءتۇسىرىلىمى بىلتىر جازدىڭ ورتاسىندا الماتى وبلىسىندا, «دەگەرەس» اۋىلىنىڭ 100 جىلدىعىنا وراي ۇيىمداستىرىلعان ات جارىسى كەزىندە باستالدى. سونىمەن قاتار, ءتۇسىرىلىم وڭتۇستىك قازاقستاننىڭ تاراز جانە شىمكەنت قالالارىندا, سونداي-اق تاشكەنتتە (وزبەكستان) جانە «سۆەردلوۆ وبلىسى گۋبەرناتورىنىڭ كۋبوگى» ءۇشىن وتكەن بۇكىلرەسەيلىك جارىستار مەن حالىقارالىق جانە مۋنيتسيپالدى ات جارىستارى وتكەن ەكاتەرينبۋرگ قالاسىندا (رەسەي) جالعاستى.
تۇساۋكەسەرگە ءفيلمنىڭ رەجيسسەرى جانە ستسەناريسى بانۋ رامازانوۆا مەن ءتۇسىرىلىم توبى, باستى كەيىپكەرلەرى – سپورت شەبەرىنە كانديدات چينگيز ماليكاجدار, حالىقارالىق سپورت شەبەرلەرى الەكساندر تيشكوۆ پەن نۇريلا تۇرىسبەكوۆا, سونداي-اق «قازاقفيلم» كينوستۋدياسى اكىمشىلىگىنىڭ وكىلدەرى قاتىستى.
Cتسەناري اۆتورى: بانۋ رامازانوۆا, دياس كۇلماقوۆ
قويۋشى-رەجيسسەرى: بانۋ رامازانوۆا
قويۋشى-وپەراتورى: قۋانىش قۇرمانباەۆ
كومپوزيتورى: ءالىم زايروۆ
دىبىس رەجيسسەرى: يليا گاريەۆ
رەداكتورى: ءاسيا بايعوجينا
كارتينانىڭ ديرەكتورى: اينۇر احمەتجانوۆا
كوركەمدىك جەتەكشىسى: اسەت ەرنازاروۆ
