ەلىمىزدىڭ دەلەگاتسياسىن قازاقستاننىڭ ساۋد ارابياسىنداعى ەلشىسى, يىۇ جانىنداعى تۇراقتى وكىلى بەرىك ارىن باسقارىپ, ونىڭ قۇرامىنا قر ءسىم تاياۋ, ورتا شىعىس جانە افريكا دەپارتامەنتىنىڭ ديرەكتورى ەرجان مۇقاش جانە جيددا قالاسىنداعى قر باس كونسۋلى تالعات شالدانباي كىردى.
ءىس-شارالار بارىسىندا ساياسي, ەكونوميكالىق, الەۋمەتتىك جانە مادەني ماسەلەلەر, سونداي-اق عىلىم جانە تەحنولوگيالار, دەنساۋلىق ساقتاۋ سالالارىنداعى ىنتىماقتاستىق, سۋ رەسۋرستارى, كليمات پەن قورشاعان ورتانىڭ وزگەرۋى, وتباسى ماسەلەلەرى قاراستىرىلدى.
وتىرىستاردىڭ قورىتىندىسى بويىنشا ەلىمىزدىڭ سىرتقى ساياسي باستامالارىن ودان ءارى ىلگەرىلەتۋگە قاتىستى بىرقاتار قارارلاردىڭ جوبالارى قولداۋ تاپتى. ولاردىڭ ىشىندە, «يسلامدىق تاتۋلاسۋ», ازىق-ت ۇلىك قاۋىپسىزدىگى جونىندەگى يسلام ۇيىمى (اقيۇ) مەن «استانا» حالىقارالىق قارجى ورتالىعىنىڭ قىزمەتتەرىنە, الەمدىك جانە ءداستۇرلى دىندەر ليدەرلەرىنىڭ سەزىنە, عىلىم جانە تەحنولوگيالار مەن ت.ب. سالالارداعى جەتەكشى مۇسىلمان مەملەكەتتەرىنىڭ قاتىسۋىمەن يىۇ-15 ديالوگ الاڭىن قۇرۋعا قاتىستى قارارلاردىڭ جوبالارى بار.
ۇيىمعا مۇشە مەملەكەتتەر قازاقستاننىڭ يىۇ اياسىندا ءابۋ ناسىر ءال-ءفارابيدىڭ 1150-جىلدىعىن كەڭىنەن اتاپ ءوتۋ جونىندەگى ۇسىنىسىن ءبىراۋىزدان قۇپتادى.
اتالعان ءىس-شارالار اياسىندا قازاقستاندىق دەلەگاتسيا بىرقاتار ەكىجاقتى كەزدەسۋلەر وتكىزدى. اتاپ ايتقاندا, داككا قالاسىنداعى يسلام تەحنولوگيالىق ۋنيۆەرسيتەتىنىڭ پرورەكتورى ومار دجاحپەن بولعان كەلىسسوزدەردىڭ ناتيجەسىندە اتالعان ۋنيۆەرسيتەت الاڭىندا ءابۋ ناسر ءال-ءفارابيدىڭ ءومىرى مەن قىزمەتىنە ارنالعان عىلىمي-تاجىريبەلىك كونفەرەنتسيا وتكىزۋ تۋرالى ۋاعدالاستىققا قول جەتكىزىلدى.
تۇركيانىڭ يىۇ جانىنداعى تۇراقتى وكىلى سالەح مۋتلۋ شەنمەن اقيۇ باس ديرەكتورى ە.بايداۋلەتپەن بىرلەسە وتكىزگەن كەزدەسۋ بارىسىندا تۇرىك تاراپى 2020 جىلى اقيۇ باس اسسامبلەياسىنىڭ 3-ءشى وتىرىسىن تۇركيادا وتكىزۋگە دايىندىعىن ءبىلدىردى.
