قازاقستان مەن يزرايل ىنتىماقتاستىعى ىلگەرىلەيدى

«Europe Asia Pipeline Co» ەنەرگەتيكالىق كومپانياسىنىڭ باس مەنەدجەرى ي.لەۆيمەن قازاقستاندىق مۇنايدى جەتكىزۋ پەرسپەكتيۆالارى تالقىلاندى.

قازاقستاندىق ديپلوماتتاردىڭ حايفا قالاسىنداعى مۇناي وڭدەۋ زاۋىتىنا ساپارى بارىسىندا باس ديرەكتور باستاعان «Bazan group» توبىنىڭ باسشىلىعى زاۋىتتىڭ پرەزەنتاتسياسىن ۇسىندى جانە قازاقستاندىق سەرىكتەستەرمەن ىنتىماقتاستىققا قاناعاتتانۋشىلىق ءبىلدىردى.

ەلشى يزرايلدىك كومپانيالاردى 2020 جىلى 28-30 ساۋىردە اقتاۋ قالاسىندا وتەتىن 2-ءشى «Caspian Ports & Shipping 2020» حالىقارالىق كورمەسى مەن كونفەرەنتسياسىنا قاتىسۋعا شاقىردى.

بەلگىلى Bermad سۋ كومپانياسىنا ساپار بارىسىندا باس ديرەكتور حاگگاي ارازيمەن قازاقستاندا سۋ رەسۋرستارىن باسقارۋ جانە سۋ ۇنەمدەۋ سالاسىنداعى قوسىمشا جوبالاردى جۇزەگە اسىرۋ ماسەلەلەرى تالقىلاندى.

بۇگىنگى تاڭدا بەرماد شىمكەنت پەن قاراعاندىدا ءوزىن جاقسى جاعىنان كورسەتە ءبىلدى. ولار اتقارعان جۇمىستار ايتارلىقتاي ەنەرگيا ۇنەمدەۋگە, وتكىزۋ قابىلەتىن جاقسارتۋعا جانە سۋمەن جابدىقتاۋ جۇيەلەرىندەگى اعىپ كەتۋلەر مەن جىلجۋلاردىڭ سانىن ازايتۋعا مۇمكىندىك بەردى.

Odis كومپانياسىنىڭ كەڭسەسىندە ماركەتينگ ديرەكتورى ساري ەلي جوبالارىنىڭ تۇساۋكەسەرىن وتكىزىپ, قازاقستان تاراپىنا ازەربايجان نارىعىنداعى جۇمىس تاجىريبەسىن ەسكەرە وتىرىپ, قازاقستاندىق سۋ تازالاۋ نارىعىنا شىعۋ مۇمكىندىگىن قاراستىرۋدى ۇسىندى. Odis سۋدى جانە اعىندى سۋلاردى تازارتۋ جۇيەلەرىن ازىرلەۋ, جوبالاۋ جانە سالۋ سالاسىنداعى الەمدەگى جەتەكشى كومپانيالاردىڭ ءبىرى بولىپ تابىلادى.