نازارباەۆ زياتكەرلىك مەكتەبىنىڭ شەتەلدىك ماماندار مەن ستۋدەنتتەر ءبولىمىنىڭ مامانى رىمگۇل بوجاقاننىڭ ايتۋىنشا, تامارا برابسون مەن يتەن ليچ -ۋنيۆەرسيتەتتىڭ ۇزدىك وقيتىن, ءبىلىمدى ستۋدەنتتەرى.
- ولار ءبىزدىڭ مەكتەپكە MISTI Kazakhstan «Global Teaching Labs» جوباسى بارىسىندا كەلدى. ستۋدەنتتەر وقۋشىلارعا ساباق بەرىپ, تاجىريبە الماسىپ, 11-12 سىنىپ وقۋشىلارىنا ۋنيۆەرسيەتتتەرگە قۇجاتتار دايىنداۋ بويىنشا كەڭەستەر بەردى,- دەيدى رىمگۇل.
نەگىزى, MISTI Kazakhstan «Global Teaching Labs» جوباسى وقۋشىلاردىڭ جاراتىلىستانۋ-ماتەماتيكا پاندەرىنەن ءبىلىمىن تەرەڭدەتۋگە, تەوريالىق ءبىلىمىن تاجىريبەدە قولدانۋدى ۇيرەتۋگە جانە سالىستىرمالى ويلاۋ مەن مادەنيەتتانۋ ساۋاتتىلىعىن دامىتۋعا باعىتتالعان.
الىستاعى ەلدەن ءبىزدىڭ وبلىس ورتالىعىنا تاعىلىمدامادان وتۋگە كەلگەن يتەن ماتەماتيكا, فيزيكا, ال, تامارا حيميا, بيولوگيا پاندەرى بويىنشا مەكتەپ ۇستازدارىمەن بىرلەسىپ, كوماندالىق ساباقتار وتكىزدى.
مەكتەپتىڭ 12-سىنىپتارىنا NUFYPET ەمتيحانىن تاپسىرۋ بويىنشا كومەكتەسىپ, موتيۆاتسيالىق حاتتاردى جازۋ بويىنشا شەبەرلىك ساعاتتارىن جۇرگىزسە, 11-سىنىپ وقۋشىلارىمەن بىرگە ورتاق عىلىمي جوبالاردى ازىرلەدى.
- «بىزدەر ورتا ازياعا, قازاق ەلىنە العاش رەت كەلدىك. جەرگىلىكتى حالىقتىڭ مادەنيەتى, قوناقجايلىلىعى ۇنادى. اسىرەسە, وقۋشىلاردىڭ اعىلشىن ءتىلىن وتە جاقسى مەڭگەرگەندەرى قاتتى تاڭقالدىردى!», - دەيدى تامارا برابسون.
- تاعىلىمدادان وتكەنشە بىزدەر قازاق وتباسىنىڭ ۇيىندە تۇردىق. وتباسىلىق قۇندىلىقتار, وتباسىلىق داستۇرلەردىڭ جاقسى ساقتايتىنىن بايقادىم, - دەيدى يتون ليچ.
پاۆلودار
سۋرەتى تۇسىرگەن: رىمگۇل بوجاقان
