شىمكەنتتى دامىتۋدىڭ 2019-2023 جىلدارعا ارنالعان كەشەندى جوسپارىن ىسكە اسىرۋ تۋرالى, الەۋمەتتىك-ەكونوميكالىق جاعداي, ينفراقۇرىلىمدىق قۇرىلىس, ەلەكترمەن جانە گازبەن جابدىقتاۋ, سونداي-اق قالانىڭ 2020 جىلى تمد-نىڭ مادەني استاناسى مارتەبەسىن الۋى اياسىندا ءىس-شارالاردى وتكىزۋگە دايىندىعى تۋرالى شىمكەنت قالاسىنىڭ اكىمى مۇرات ايتەنوۆ, مادەنيەت جانە سپورت ءمينيسترى اقتوتى رايىمقۇلوۆا, يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ, ۇلتتىق ەكونوميكا ۆيتسە-ءمينيسترى ەرمەك الپىسوۆ جانە ەنەرگەتيكا ۆيتسە-ءمينيسترى جۇماباي قاراعاەۆ, «بايتەرەك» ۇبح» اق باسقارما توراعاسى ايدار ءارىپحانوۆ باياندادى.
«بيىل شىمكەنت تمد-نىڭ مادەني استاناسى بولادى. وسى جىلدىڭ رەسمي اشىلۋىنا پرەزيدەنت قاسىم-جومارت كەمەل ۇلى توقاەۆ قاتىسادى دەپ جوسپارلانعان», دەدى ا.مامين.
ۇكىمەت باسشىسى وزەكتى الەۋمەتتىك-ەكونوميكالىق ماسەلەلەر مەن قالا تۇرعىندارىنىڭ تۇرمىس ساپاسىن ارتتىرۋ ماسەلەلەرىن ۋاقتىلى شەشۋدىڭ, سونداي-اق تمد-نىڭ مادەني استاناسى جىلى اياسىندا جوسپارلانعان بارلىق ءىس-شارالاردى جوعارى دەڭگەيدە وتكىزۋدىڭ ماڭىزدىلىعىن اتاپ ءوتتى.
ا.مامين ءتيىستى مەملەكەتتىك ورگاندارعا جانە شىمكەنت قالاسىنىڭ اكىمدىگىنە تمد-نىڭ مادەني استاناسى جىلى اياسىنداعى بارلىق ءىس-شارالارعا ساپالى دايىندىقتى قامتاماسىز ەتۋدى, سونىمەن قاتار ەكى اپتا مەرزىم ىشىندە سۋمەن, ەلەكترمەن جانە گازبەن جابدىقتاۋ, تۇرعىن ءۇي قۇرىلىسى جانە كولىك سالالارىندا ينفراقۇرىلىمدىق جوبالاردى قارجىلاندىرۋ ماسەلەلەرىن قاراۋدى تاپسىردى.
جۇمىس ساپارى اياسىندا ا.مامين شىمكەنت قالاسىنداعى حالىقارالىق اۋەجايداعى وتكىزۋ قابىلەتى ساعاتىنا 2 مىڭ جولاۋشىنى قۇرايتىن جولاۋشىلار تەرمينالىنىڭ سالىنۋ بارىسىمەن تانىستى, ونى بيىل قازان ايىنا قاراي اياقتاۋ جوسپارلانعان.
وڭتۇستىك اەا ارالاۋ كەزىندە ۇكىمەت باسشىسىنا 1700-دەن اسا جاڭا جۇمىس ورنىن قۇرۋمەن بايلانىستى جالپى سوماسى 58,8 ملرد تەڭگە بولاتىن, قازىر ىسكە اسىرىلىپ جاتقان 23 جوبا تۋرالى باياندالدى. ءىرى پەرسپەكتيۆالى جوبالاردىڭ ءبىرى رەتىندە 2020-2025 جىلدارى سالىناتىن سورعىلاۋ جابدىقتارى مەن قۇبىر ارماتۋراسىن وندىرەتىن زاۋىت قۇرىلىسى تانىستىرىلدى. جوبانىڭ قۇنى — 26,5 ملرد تەڭگە, 1500 جۇمىس ورنى قۇرىلادى.
پرەمەر-مينيستر ۇزاق جىلداردان بەرى جۇمىسى توقتاپ قالعان تىگىن جانە ءجىپ ءيىرۋ توقىما فابريكالارىنا بارىپ, «قازاقستاننىڭ ينۆەستيتسيالىق قورى» اق-تىڭ ولاردى ىسكە قوسۋ جانە قازاقستاننىڭ توقىما كلاستەرىن ودان ءارى دامىتۋ جوبالارىمەن تانىستى. كاسىپورىنداردى بيىل پايدالانۋعا بەرۋ جوسپارلانىپ وتىر, بۇل 800-گە جۋىق جاڭا جۇمىس ورنى مەن قازاقستاندا وڭدەلەتىن ماقتا كولەمىنىڭ ەكى ەسە ءوسىمىن قامتاماسىز ەتەدى.
ۇكىمەت باسشىسى ارحەولوگيالىق قازبالار كەزىندە تابىلعان «شىمكەنت قالاشىعى» (تسيتادەل) رەستاۆراتسيالاۋ جانە مۋزەيلەندىرۋ جوباسىنىڭ ىسكە اسىرىلۋ بارىسىن تەكسەردى. مۇندا ەجەلگى ءداۋىر مۋزەيى, گالەرەيا, امفيتەاتر سالىنادى. جوبانىڭ تاريحي قۇندىلىعى زور جانە ول شىمكەنتتىڭ تارتىمدى تۋريستىك نىسانىنا اينالادى.
ءوڭىردىڭ تۋريستىك الەۋەتىن دامىتۋ اياسىندا ا.مامين سونىمەن قاتار شىمكەنت قالاسىنان 60 شاقىرىم قاشىقتىقتا ورنالاسقان تۇركىستان وبلىسى تولە بي اۋدانىنداعى قاسقاسۋ شاتقالىنا بارىپ, «قاسقاسۋ» تۋريستىك رەكرەاتسيا كەشەنىنىڭ جوباسىمەن تانىستى.
شىمكەنت
