2020 جىلى جالپى 500 مىڭ شارشى مەتردەن استام تۇرعىن ءۇي سالۋ جوسپارلانعان – بۇل شامامەن 8 مىڭ پاتەر.
2021 جىلى 8,5 مىڭ پاتەردى پايدالانۋعا بەرۋ جوسپارلانىپ وتىر. «تۇرعىن ءۇي ماسەلەسى-باستى, ماڭىزدى باعىتتاردىڭ ءبىرى. قازىر تۇرعىن ءۇي كەزەگىندە 48 مىڭ ادام تۇر. وتكەن جىلى كەزەكتە تۇرعان 2900 ازامات پاتەر الدى. مەملەكەت باسشىسىنىڭ تاپسىرماسىنا سايكەس بيىل قولجەتىمدى باسپانا كولەمى 3 ەسە ارتادى. وتكەن جىلى 2020-21 جىلدارعا ارنالعان دايىندىق جۇمىستارى قولعا الىندى. مەملەكەتتىڭ قولداۋىنىڭ ارقاسىندا ءۇي قۇرىلىسى كومبيناتىنىڭ جۇمىسى قايتا جانداندى. كاسىپورىننىڭ قىزمەتى ءۇي ساپاسىنا نۇقسان كەلتىرمەي, شارشى مەتردىڭ قۇنىن ازايتۋعا جانە ءۇيدى تۇرعىزۋ مەرزىمىن قىسقارتۋعا كومەكتەسەدى», دەدى التاي كولگىنوۆ.
سونىمەن قاتار اپاتتى جانە ەسكى ۇيلەردىڭ تۇرعىندارىن كوشىرۋ جۇمىستارى جالعاسىپ جاتىر. مىسالى, وتكەن جىلى ەسكى 8 ءۇيدىڭ تۇرعىندارى قونىس اۋداردى. 90-نان استام وتباسى جاڭا پاتەرلەرگە كوشتى. مۇناي بازالارىنا جاقىن جەردە ورنالاسقان 39 رازەزدىڭ تۇرعىندارىن كوشىرۋ جۇمىستارى جۇرگىزىلىپ جاتىر. تۇرعىن ۇيلەرگە قاتىستى بارلىق اتقارىلىپ جاتقان جۇمىستار جۇيەلى نەگىزدە جۇرگىزىلۋدە.
