قازاقستان • 12 اقپان, 2020

بيىل قازاقستاندا 730 مىڭ شارشى مەتردەن استام باسپانا بەرىلەدى

200 رەت

كورسەتىلدى

1 مين

وقۋ ءۇشىن

2020 جىلدىڭ قورىتىندىسىندا رەسپۋبليكا بويىنشا 731,7 مىڭ شارشى مەتردەن استام باسپانا پايدالانۋعا بەرىلدى. جالپى العاندا ەلىمىزدە بۇل ايدا 5 581 باسپانا, ونىڭ ىشىندە 3161 جەكە ءۇي سالىنىپ ءبىتتى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

Egemen Qazaqstan

بيىل قازاقستاندا 730 مىڭ شارشى مەتردەن استام باسپانا بەرىلەدى

وتكەن جىلدىڭ ءتيىستى كەزەڭىمەن سالىستىرعاندا 10 وڭىردە پايدالانۋعا بەرىلگەن باسپانا كولەمى ارتتى. ولاردىڭ اراسىندا قىزىلوردا وبلىسى (183,7%), الماتى وبلىسى (162,6%) جانە قوستاناي وبلىسى (142,5%) كوش باسىندا كەلەدى.

2020 جىلعى قاڭتار ايىندا قۇرىلىس بويىنشا جەكە كولەم يندەكسى 112,5% قۇرادى. 9 وڭىردە وڭ سەرپىن بايقالادى. كوش باسىندا تۇركىستان (179,5%), اتىراۋ (161,6%), قوستاناي (160,4%), قاراعاندى (127,6%), پاۆلودار (121,6%) وبلىستارى جانە نۇر-سۇلتان قالاسى (125,1%).