«قازىر قالادا 115 مەكتەپ پەن 182 مىڭ وقۋشى بار. حالىقتىڭ وسۋىنە بايلانىستى قالادا الەۋمەتتىك نىساندارعا جۇكتەمە ارتىپ كەلەدى. 8 مەكتەپ قازىر ءۇش اۋىسىمدا وقىتادى.
ءۇش اۋىسىمدى وقىتۋمەن بايلانىستى ماسەلەنى شەشۋ ءۇشىن جىل سايىن كەمىندە 10 جاڭا مەكتەپ سالىپ وتىرۋ قاجەت. بيىل جانە كەلەسى جىلى 12 مەكتەپتەن سالىنادى. ءبىرىنشى كەزەكتە مەكتەپ قۇرىلىسىنا ارنالعان ورىندار انىقتالدى. مەكتەپتەردىڭ قۇرىلىسىنا جەكە ينۆەستورلاردى تارتامىز. وڭىرلىك كەڭەستە جەكە ينۆەستيتسيا ەسەبىنەن 22 مىڭ وقۋشىعا ەسەپتەلگەن 22 مەكتەپ سالۋ قولداۋ تاپتى», دەدى ا. كولگىنوۆ.
كەشەندى جوسپار اياسىندا 5 جىلدىق كەزەڭگە 60 مىڭ ورىندىق 50 مەكتەپ (ونىڭ ىشىندە 10 مەكتەپ قازىرگى مەكتەپتەر ايماعىندا) سالۋ جوسپارلانعان.
2 اۋىسىمدا بۇل 120 مىڭعا جۋىق ورىن اشۋعا مۇمكىندىك بەرەدى. ەلوردادا ەڭبەك ەتۋگە قولايلى جاعداي جاساۋ ءۇشىن 350 ورىندىق مۇعالىمدەرگە ارنالعان جاتاقحانا سالىندى, كادرلاردى دايارلاۋعا گرانتتار بولىنەدى.
