وسى ءسوزىمىزدىڭ ءبىر دالەلى رەتىندە تاياۋدا وبلىستىق تاريحي-ولكەتانۋ مۇراجايىندا «قازىنالى, كەندى قالا» اتتى كورمەنىڭ ۇيىمداستىرىلعانىن ايتۋعا بولادى. مادەني شارا اياسىندا كەنشىلەر استاناسىنىڭ قاتپارلى تاريحىنان مول ماعلۇمات بەرەتىن جادىگەرلەر كورمە سورەلەرىنەن كورىنىس تاپتى.
قالا تۇرعىندارى مەن قوناقتارىنىڭ نازارىنا ۇسىنىلعان ەلۋدەن استام ەكسپوناتتىڭ ىشىندە شاحتەر جابدىقتارى, كەنشىلەردىڭ جۇمىس كيىمدەرى, گەولوگيالىق قۇرال-سايماندار جانە العاشقى قۇرىلىسشىلار مەن قونىس اۋدارۋشىلاردىڭ تۇرمىستىق زاتتارى بار.
كورمەنىڭ قاراعاندى قالاسىنىڭ وڭىردەگى كوپ سالالى جانە يندۋستريالىق ورتالىق رەتىندە قالىپتاسۋىن كورسەتۋدى ماقسات ەتكەنىن ايتادى اتالعان مۋزەيدىڭ اعا عىلىمي قىزمەتكەرى گۇلميرا قوناقباەۆا.
– ەكسپوزيتسيا قالانىڭ قالىپتاسۋى مەن دامۋىنىڭ بارلىق تاريحي كەزەڭدەرىن قامتيدى. مۇندا مۇراجاي قورىنىڭ جادىگەرلەرى مەن قالا تۇرعىندارى تاپسىرعان زاتتار جيناقتالعان, – دەيدى ول.
سونىمەن قاتار كورمە اياسىندا «قايدا, قايدا؟ قاراعاندىدا!» اتتى دوڭگەلەك ۇستەل وتىرىسى ۇيىمداستىرىلدى. ارداگەر كەنشىلەر, العاشقى قۇرىلىسشىلار, عالىمدار, ولكەتانۋشىلار جانە جوعارى وقۋ ورىندارى مەن كوللەدج ستۋدەنتتەرى قاتىسقان بۇل تاعىلىمدى شارادا سپيكەرلەر قازىنالى قاراعاندىنىڭ ارعى-بەرگى تاريحى مەن تىنىس-تىرشىلىگىن اڭگىمە وزەگىنە اينالدىردى.
قاراعاندى تاريحىن قۇرمەتتىڭ تورىنە شىعارعان كورمەنىڭ ەسىگى اقپان ايىنىڭ سوڭىنا دەيىن كەلۋشىلەرگە اشىق بولادى.
قاراعاندى
